Radio, online – Eleisaun Prezidensial besik iha odamatan ona, atu aslera eleisaun lao diak governu Japaun liu husi Embaisada iha TL ajuda kareta ho marka pick up 12 no marka Prado 3 ba Servisu Tekniku Administrasaun Eleitoral (STAE).
Serimonia entrega kareta ne’e halao iha edifisiu STAE nia iha Kaikoli, Sesta (10/2).
Diretor Geral STAE Thomas do Rosario Cabral iha nia palestra dehan, kareta sira ne’ebe governu Japaun fo mai ne’e hanesan dalan importante tanba iha STAE menus tebes ba transporte. Kareta hirak ne’e sei koloka hotu ba distritu sira.
“Maske ONU nia mandatu atu remata iha 2012, maibe governu hamutuk ho ONU fo ajudos nafatin mai ita liliu ba iventu importante hanesan eleisaun jeral mai ne’e. Ho ajuda ne’e ami haka’as an atu eleisaun ne’e bele kobre hotu no ema hotu bele partisipa hotu,” Thomas esklarese.
Deputy SRSG UNMIT Finn Reske Nielsen iha biban ne’e hateten, ONU senti konteti tebes tamba Japaun bele fo ajuda nafatin ba Timor leste, liu -liu ba elisaun
Nielsen hatutan, iha eleisaun mai ne’e ONU mos sei fo apou teknika no logistika atu STAE bele halo knar ho imparsilalidade no trasparansia tuir Kostituasaun RDTL.
Embasador Japaun mai Timor Leste, Yoshitaka Hanada dehan, governu Japaun ajuda ona Timor Leste ho fundo kuaje miliaun ida ne’en nolu ba STAE hodi halo aktividade votantes sira, hodi bele asesu ba lalaok eleisaun hodi komunidade iha area rural bele asesu eleisaun ho diak.
“Ami espera katak elisaun iha Timor Leste lao ho diak hodi hatudu ba mundo tomak katak elisaun iha Timor leste lao ho demokrasia duni,”Hanada dehan ho esperansa.
Discussion about this post