Radio, online- Prezidenti Komisaun C trata asuntu ekonomia finansa no anti korupsaun Manuel Tilman esforsu hodi halo lei ida atu estadu Timor Leste mak tenki selu pensaun ba Funsionariu Publiku iha tempu Indonezia nian tamba sira mesa ema Timor oan ne’ebe involve mos prosesu dezenvolvimentu iha pasadu.
Prezidenti Komisaun C kasu lia hirak ne’e relasiona ho seminario loron ida konaba pensaun minimu no pensaun seluk ba sektro privadu.
Tuir Manuel objetivu husi seminario ne’e oinsa halo diskusaun konaba pensaun atu sidadaun ne’e servisu iha tempo Portugues no tempo Indonesia sira iha direito atu hetan pesaun maibe ho pesaun ida bolu dehan pensaun minimu.
PN aprova ona konaba lei Trabalhadores iha tinan ne’e, konaba sidadaun Timor ona ne’ebe uluk serbisu iha tempo Indonesia governo Timor Leste mak sei selu tamba Indonesia la selu.
“Ita bele selu hotu maibe ita mos tenke hare ba ita nia osan iha future,”Manuel Tilman komenta.
Iha seminariu ne’e Manuel Tilman lamenta tebes tamba la iha partisipasaun maximu husi Funsionario Publiku. Iha seminariu ne’e maioria ema estranjeiru ne’ebe mos hamutuk ho Prezidenti Komisaun A, Fernanda Borges.
Discussion about this post