Radio, online – Trabalhadores Timor oan naran Domingos da Cruz Pereira mate iha Korea do Sul, tamba hetan moras paruparu no moras kurasaun.
Informsaun ne’e hato’o husi trabalhadores Timor oan iha Korea dol Sul ne’ebe lakoi publika ninia identidade liu husi Face-book ho jornalista Radio liberdadedili.com iha Segunda, (16/1) dehan katak, maluk Timor oan ida mate iha Korea ne’e, sei tau hela iha osipatal Kavajakana iha rai ida naran Kuanzu.
Klarifika ba novidade trisiteza ne’e adido do Tralbahadores Marito Silva iha nia servisu fatin SEFOPE Caicoli dehan katak, los duni trabalhadores ida ho naran Dominggos da Cruz ne’ebe serbisu iha area peska nian mate iha loron 15-1-2012 tamba hetan moras paruparu no moras Kurasaun .
Atu atende mate isin fila mai Timor, agora dadaun SEFOPE halo kontaktu ona ho Ministerio Solidaridade Sosial atu lori mate isin mai iha TL iha tempo badak nia laran.
Paul Alves responsabiliza trabalhadores Timor oan ba Korea do Sul iha SEFOPE mos hateten katak antes rona informsaun husi Adido ne’e Parte SEFOPE informa kedas ba familia.
Matebian ne’e husi Distrtitu Ainaro. Agora dadaun familia matebian ho SEFOPE trata hela dokumentu atu lori mate isin fila mai Timor.
“Ita trisiti tebes, tamba ita nia trabalhadores mate tanba ba buka vida moris iha ema nia rai. Ita reza deit ba Nai Maromak atu simu nia iha kadunan santo,”dehan Paul.
Redasaun husu deskulpa ba leitores sira, tamba foto matebian nian foin mak hetan. Ho nune’e redasaun tenta tau matebian nia foto, hodi troka bandeira Korea do Sul. Husi redasaun hato’o kondelensia ba matebian no fo korazen ba familia matebian, amin.
Discussion about this post