Radio, online – Diretor Exekutiva Forum Organizasaun Naon Govermental Timor Leste (Fongtil) Dinora Grandaneiro dehan papel sosiedade sivil importante tebes hodi partisioa no garante stabilidade iha elesaun geral tinan ne’e.
Diretora kasu lia hirak liu husi sorumutu ho Prezidenti da Republika Jose Ramos Horta iha salaun Fongtil Kaikoli, Dili Sedunda, (16/1).
Dinora hatutan, objetivu ba sorumutu ho Presidente da Republika ne’e atu foka liu ba preparasaun eleisaun geral ba tinan ne’e.
Atu garantia estabilidade iha eleisaun jeral lao diak Diretora husu ba partido politiku sira hotu tenki halo pakta unidade hodi garante seguransa. Alende ne’e mos ESTAE ho CNE presiza tebes halo edukasun sivika ba povu sira.
Iha fatin hanesan Prezidente da Republika Jose Ramos Horta hateten katak atu elisaun lao ho diak hotu-hotu tenke kontribui hodi nune la iha ameasa oin-oin.
PR Horta hatutan tan katak Nia garantia elisaun 2012 lao ho diak tamba ita hare tensaun politika ladun.
Alende PR Horta halo sorumutu ho Fongtil Xefi UNMIT Ameeh Hag mos halo enkontru regular ho sosiedade sivil ne’e.
Iha enkotru ne’e Representante Espesial Sekretariu Jeral ONU ba TL (SRSG) dehan, katak, maske mandatu UNMIT atu remata ona , maibe UNMIT sei mantein seguransa ba eleisaun tinan 2012.
ONU nian sei servisu hamutuk ho seguransa Timor leste fo apoiu segurnasa maka’as ba iha eleisaun ne’e hodi nune’e eleisaun ne’e lao ho diak.
Hag husu iha 2012 eleisaun husu ba povo Timor tomak atu mantein unidade la bele uza violensia hodi nune’e resultadu eleisaun ne’e ho resultado ne’ebe diak atu nune’e bele sai marka importante ba nasaun ida ne’e.
Discussion about this post