Avo Xavier Sei Hamutuk Ho Ita

Radio, online – Tuir rumoris espalha iha publiku katak, Prokmalador RDTL Francisco Xavier  do Amaral hakotu ona nia i’is. Maibe realidade hatudu katak Avo Xavier agora dadaun sei baisa hela iha Ospital Nasional Guido Valadares(HNGV) sala VIP nian.

Liu husi Konfrensia da imprensa iha HNGV  Tersa, (17/1), Ministru da Saude Nelson Martins dehan katak, kondisaun Avo Xavier iha 10 Janeiru 2012 nia kondisaun todan hodi nune lori ba halao tratamentu iha HNGV iha sala VIP, Avo Xavier tama ho kondisaun ne’ebe la han, liu husi esforsu ne’ebe Dotor sira halo  Avo Xavier to’o agora ho kondisaun ne’ebe diak tebtebes.

Avo Xavier nia bele han fila fali  maibe tuir desizaun mediku nia la bele fila lai ba uma sei hela nafatin iha ospital,”Nelson esplika.

Ministru Saude ne’e husu mos komprensaun ba maluk sira hotu la bele fiar ba rumoris tamba Avo Xavier sei hamutuk nafatin ho ita. Dotor sira ne’ebe fo asistensia mediku ba Avo Xavier katak sira labele fo sai  publiku Avo Xavier nia moras. Tamba, tinan 2010 Avo Xavier ba halao ona tratamentu iha Singapura

Durante Avo Xavier baisa iha sala VIP Dotor, infreimeiru, Diretor Geral, inklui Ministru Saude  hotu-hotu akompanya oras ba oras no minutus ba minutus konaba kondisaun Avo  Xavier nian.

Iha sala VIP ne’ebe Avo Xavier baisa hetan siguransa maximumetin husi polisia.

Tuir Parte saude katak  ho kondisaun Avo Xavier ne’ebe grave nia labele kandidata-an ba Presidente da Republika iha eleisan tinan ne’e.