Radio, online – Ministeriu da Eduksaun no Ministeru da Saude formula merenda eskola iha mudansa, tamba saude importante ba alunus sira. Bazeia ba reklamasoens ba merenda eskola ne’ebe la iha kualidade, iha 2012 sei iha mudansa ba menu merenda eskolar sira hotu.
Desizaun ne’e, hetan akordu entre Ministeiru importante rua ne’e durante loron rua nia laran liu husi enkontru jeral ne’ebe halao iha salaun Ministeiru da Edukasuan, Vila Verde Tersa, (20/12).
Inkontro loron rua ne’e ho objetivu, atu kolia konaba saude publika eskolar. Tuir Carlito Mota nudar Director Nasional Asaun sosial eskolar husi Ministerio Edukasaun hateten, merenda eskolar ho saude publika eskolar tenke iha ligasaun tamba halai hotu ba saude.
Carlito hatutan tan, durante ne’e laos profesores sira mak prekupa ba merenda eskolar ne’ebe lao ladun diak maibe nia rasik mos sei prekupa tamba sekarik fo hahan ne’ebe diak ba alunus sira ne’e ema sei lakolia tan,maibe ida tamba desizaun politika iha tinan hirak liu ba entaun programa ida ne’e sira halao nafatin to’o agora.
Diretor Nasional Asaun Sosial realsa lutan, iha tinan oin mai prekupasaun sira ne’ebe durante ne’e profesores,komnidade sei bele iha alterasaun tamba tinan oin mai sei iha mudansa de menu, fos sira sei fo nafatin maibe modo mak sira sei aloka osamentu sentru ensinu baziku ida-ida hodi sosa modo. Hahu husi Segunda to’o Sabadu. Alunus sira tenke han modo ne’ebe diak
Durante ne’e Ministerio Edukasaun fasilita ona gas ba kada eskola ididak iha Distritu maibe sei iha problema ho kozineiru sira tamba sira rasik mos tauk uja Gas hodi tein. Ho nune’e uja fali ai hodi tein. Distritu Dili deit mak bele uja gas hodi tein.
Iha Fatin hanesan Rita M.Soares Official Saude Eskolar hateten katak programa ne’ebe mak Ministerio saude durante ne’e inplementa mak Merenda eskolar nian,ne’ebe servisu hamutuk entre saude ho Edukasaun,hare mos ba programa lumringa,tratamentu nehan,matan nomos ba Vita mina A.
Durante ne’e Iha parte saude nian mos hare ba problema merenda eskolar mak hanesan fo modo koto kaur ho etu ne’e la iha balansu vitamina ou prouteina.aihan sira ne’ebe iha vitamina barak mak hanesan aifuan no aitahan hodi nune bele fo forsa ba labarik sira.
Iha tinan oin mai alunus sira atu hetan modo ne’ebe diak husi Ministerio Edukasaun sei aloka osamentu ho total 18 Miloens kada loron ida alunus hetan 0,25 centavus
Discussion about this post