Radio, online – Festa Santo Natal, Amo Bispo Domk Alberto Ricardo husu ba Timor oan tomak tenke hakribi salan.
Amo Bispo Diosece Dili hato’o lia hirak ne’e iha palasio do governu Sabado wainhira Natal hamutuk ho governante sira, foin lalais ne’e.
Dom Alberto hatutan, iha mundo ohin loron iha ema barak lakon domin, lakon justisa, lakon lia los.
Mundu agora ema preokupa liut moris tuir deit materialism, egoismu, foti an, moris iha violensia, halo funu no oho malu. Mundu oras ne’e ema barak monu hikas fali ba nakukun laran no haketak-an husi domin nia hun.
”Ema fiar nain, ema ne’ebe luta ba dignidade, luta ba justisa, no independensia ba nia rain, atu nafatin hateke ba nia povu hodi moris iha amigavel nia laran. Nasaun Timor Leste iha dame nia laran joven moris iha duni esperansa. Iha natal 2011 ne’e foti matan to’ok, tamba Jesus moris Iha Belem tanba ita ema sarani ne’ebe partenses ba Kristus,”dehan Bispo Ricardo.
Sekretario Estado Promosaun Igualdade, Idelta Maria Rodrigues hateten, ohin kalan ne’e hau hakarak fo hau nia dejeijus no hau nia felisidade ba feto, liu liu ba povo Timor laran tomak atu ita bele akompanha dezenvolvimentu ba 2012 nian ,
“Ita hotu tenke servisu maka’as atu bele lori duni future nebe’e ita hotu hakarak mak dezenvolimento nasional,”Idelta apela.
Iha fatin hanesan komisaun organizadora husi UNTL, Jose de Jesus dehan, iha santo Natal hamutuk ho povo ne’e, ami hatudu muzika. Iha konsertu ne’e artista Timor oan nomos husi Indonezia mos mai marka prezensa.
Prejepio neb’e hari iha palasio governu nia oin ho metro 25 , ne’ebe uza tore eletrisidade oliu pezadu nain. Iha Natal hamtuk ne’e marka preznesa Prezidenti da Republika Jose Ramos Horta, reprezentate ONU iha Timor Leste, Ameera Hag, membro governu no estudante sira husi pre primara to’o univarsidade.
Discussion about this post