Radio, online – Relasiona ho asaun greve husi funsionario Bank Mandiri hamosu haksesuk malu entre funsionairu sira mak halo greve hamutuk ho kliente ho membru PNTL. Haksesuk malu ne’e tamba PNTL atu hapara asaun greve.
Komandante PNTL Distritu Dili Pedro Belo ne’ebe tau ropa sivil hateten, tempo atu halo greve tenki tuir lei, tamba ne’e atu halo greve tuir karta ne’ebe fo Komando PNTL Distritu Dili katak, asaun greve ne’e sei remata dia 19 de Dezembru ,maibe asaun greve kontinua. Ho la tuir regras ne’e Komandante Pedro Belo husut hapara asaun ne’e. Nune’e mos iha asaun greve tenki iha distansia 100 metrus husi edifisiu.
“Ami fo tempo to’o tuku 1, imi akordo ho Polisia, hau lakoi deskute ho ita bo’ot sira se lakoi rona hein deit desizaun komando imi tenke sai husi fatin ne’e,”dehan Pedro Belo iha asaun greve Kuarta, (21/12) iha edifisiu Bank Mandiri nia oin.
Hatan ba Komandante Polisia Distritu Dili ne’e reprezentante funsianario ba asaun greve ne’e Joaguim Gonzaga dehan ba polisia katak, iha ema estrajeiro nain ida uza visa turista halao knar hanesan funsionairu iha banku ne’e. Ho informasaun ne’e membro Polisia ida dudu Joaguim Gonzaga hateten “ita bo’ot iha evidensia hatudu to’ok,”dehan membru ne’e ho lia maka’as.
Joaguim tenta tama ba Bank Mandiri hodi hatudu faktus ba polisia maibe la konsege tamba seguransa polisia iha oda matan la fo dalan atu hatudu dokumentus.
Antes haksesuk malu ne’e Komandante Geral Longuinhos Monteiro direita hasoru Manager Bank Mandoro. Komadante ho aifunan rua ne’e sai mai jornalista tenta atu husu maibe Komandante PNTL ne’e lakoi fo komentairu.
“Hau tempo lai iha aban mak imi bs hasoru hau deit iha hau nia servisu fatin,”dehan Longuinhos.
Entertantu kliente sira husu ba polisia atu atende kazu ne’e lalais tamba, kliente balun antrean loron tolu ona maibe seidauk foti nia osan. Tuir planu KSTL ho funsionario Bank Mandiri nebe’e halo greve sei halo muda to’o hetan solusaun.
Asaun greve husi funsionairu Bank Mandiri ne’e tanba Manager Bank Mandiri halo demisaun ba staff nain 2 iha fulan ne’e nia klaran.
Discussion about this post