Radio, online – Vendedores sira husi parte Comoro la satisfas ho prezensa vendedores ki’ik sira mai husi Xina ne’ebe koinesidu bolu Jingjang. Oras ne’e dadaun negosiante Jingjang halo invade mai TL.
“Ami husu ba estadu atu haruka tiha jingjang fila ba nia rain, tanba TL nasaun ne’ebe iha lei lao ema bele tama mai tuir sira nia hakarak,”dehan vendedores Marcal da Costa hamutuk ho nia kolega sira Segunda, (21/11) iha sira nia negosiu fatin.
Ukun rasik-an. Lia fuan ne’e la Signifika buat hotu halao mesak. Hanesan realidade agora dadaun, maske iha lei katak, ema ne’ebe mak atu halao negosiu iha TL tenki iha modal bo’ot maizumenus U$ 50,000,00 ba leten maibe realidade ema estranjeirus mai uza tan vistu turista pior liutan mak halao negosiu fa’an sasan ki’ik iha Timor laran tomak.
Tuir Marcal husu ba estadu lao deit duni ema negosiu ki’ik Jingjang, maibe mos haruka fila hotu mos negosiante ki’ik sira husi Indoneziu. Hanesan fa’an bakso, suku sepatu, fa’an roupa tama uma sai uma.
“Ita hare ita nia situasaun ne’e hanesan uluk Indonezia sei nafatin iha Timor ne’e,”Marcal kestiona.
Marcelino Maia esplika katak,ema estranjeirus ne’ebe mai iha timor leste laos mai atu pasiar maibe sira mos iha tujuan atu mai iha timor atu halo negosiu.tamba realidade ne’ebe ita hotu hare katak, agora dadauk iha kapital Dili,Distrito, Sub-Distrito no mos suku nakonu ho ema estranjeirus Xina ne’ebe fa’an sasan.
“hau nia hare ema estranjeirus ne’ebe barak halao negosiu iha timor leste ne’e okupa hotu fatin ita nia vendadores rasik hodi nune’e ita nia vendadores rasik atu fa’an sasan mos la iha fatin realidade ne’ebe hatudu mai ita mak hanesan agora ita rai nain rasik atu fa’an sasan iha fatin ne’ebe la serve hanesan, estrada ibun, trotoar leten,no iha tasi ibun .
Marcelino afirma liu tan katak,negosiu estranjeiru ne’ebe agora iha iha timor leste ne’e sira hamate ita nia vendedores ki’ik sira
Katak nia,ita nia nasaun ne’e hanesan fatin turista tamba ema husi nasaun seluk mos tama livre hela hanesan Indonesia nasaun vizinho dala ruma sira tama mai kona jalan tikus maibe ita nia governu rasik la iha kontrol ne’ebe diak liliu polisia imigrasaun .
Nia salient liu tan katak,dala ruma sira mai ho pasaporte masa berlaku hotu ona maibe sira sei hela nafatin iha ita nia rai no governu rasik la iha kontrolu hodi nune’e sira mos livre hodi buka osan iha ita nia rai.
Tamba ne’e nia husu ba governu atu fo atensaun ba ema estranjeirus ne’ebe tama sai livre iha ita nia nasaun ne’e hodi buk moris tamba ida ne’e bele impaktu ba ita nia nasaun.
Discussion about this post