Radio, online – Prezidenti Republika Jose Ramos Horta fo sai katak, ho serimonia bo’ot lansamentu elektrifikasaun sentral Elektrika Hera hanesan pasu no baze ba prosesu dezenvolvimentu tomak iha nasaun ne’e. Lansamentu ne’e halao iha palacio governu nian oin ho oras 12:00 otl.
“Ita hakarak ita nia internet lao no ema hotu hatene komputador, ohin governu nia politika hamutuk ho estadu hahu lansamentu ba projetu bo’ot eletrika Hera,”dehan PR Horta depois hanehan tombol mean ho oras 12:00 otl kalan hanesan simbolu ahi elektrika komesa kalan 27 de Novembru ba oin ahi lakan ba povu Dili, Manatuto no Liquisa.
Iha sentral Hera iha gerador hat mak sei oferese ba kosta sul. Husi gerador hat ne’e iha kapasidade 119,5 mega watt mak sei fornese ahi eletrisidade.
Kolonel F-FDTL Falur Rate Laek marka iha serimonia ne’e hateten, ho projetu bo’ot ne’ebe mak PM Xanana Gusmao esforsu ne’e hanesan mehi ne’ebe mak povu tomak iha nasaun ne’e nia hakarak. Falur husu povu tomak atu tama ba dezenvolvimentu ne’e ho ahi elektrika ne’ebe mak sei responde ema hotu nia preokupasaun.
“Hau husu ba joven sira no foin sae sira atu aproveita ahi lakan ne’e ho estuda didiak atu hadiak ita nia rain,”Falur apela.
Iha serimonia lansamentu sental elektrik Hera ne’e hetan antusiazmu husi povu sira. Alende ne’e mos marka prezensa husi reprezentante ONU Finn Fieske, Embaixada Xina mai TL no korpu diplomata sira seluk.
Depois PR Horta hanesan tombol mean povu sira mak asiste ne’e hodi hakilar viva………….Timor Leste…………viva Timor Leste…………….. nune’e mos anima ho sunu paisun.
Discussion about this post