Radio, online – Hodi halao projeitu dezenvolvimentu iha komunidade nia le’et governu Australia liu husi Ambaixada Australia iha TL kria programa ida ne’ebe ho naran Programa Ajuda Direta (DAP) hodi entrega osan hamutuk AU$ 70,00 ba timor oan hamutuk sanulu resin ida (11).
Serimonia entrega fiar ba Timor oan ne’e halao iha Kuinta(24/11) iha salaun Ambaixada Australia nian, Fatuhada-Dili.
Ambiaxada Australia mai TL Miles Armitage hateten katak, DAP ne’e hanesan programa fundu ki’ik ba individual grupu komunidade no NGO sira ne’ebe servisu iha atividade zezenvolvimentu iha timor leste no parte ida deit kon ba Australia nia apoiu ba kooperasaun dezenvolvimentu nebe luan iha timor leste ,ida nebe iha tinan 2011-2012 ho total besik millaun atus ida rua nulu ($ 120).
Armitage esplika katak,osan nebe entrega ba sira ne’e atu tulun komunidade sira iha distritu sanulu resin tolu iha timor leste hodi hetan sira nia objetivu rasik no sei tulun komunidade sira hanesan liu husi projeitu sira, fo asesu ba bee mos ho saneamentu , ke’e bee posu ho hari’i sintina iha Natarbora, tasi mane nian Apu iha Oe-kusi no mos be tanki ba eskola iha baquiaDistrito Baucau ,hadia saneamaneru husi konstrusaun foer fatin halae Vila Verde-Dili.
Armitage afirma katak,osan nebe intrega ba timor oan ne’e sei hadia mos kapasidade no loke dalan ba formasaun ho servisu reabilitasaun ba sentru treinu komputado, promove edukasaun ho dezenvolvimentu labarik oan sira liu husi ekipamentu .no mos sei aumenta kabilidade timor oan sira atu partisipa iha prosesu politiku liu husi apoiu ba radio komunidade sira ho sira lian inan rasik hodi halo kobertura ba eleisaun tinan 2012 .
Nia sente orgullu tamba projeitu sira ne’e hametin ligasaun makas entre povo timor leste no Astralianu. Tamba ne’e husu ba timor oan nain sanulu resin rua ne’ebe simu osan ne’e tenki halao projeitu ne’e ho diak,uza ho didiak no gasta tuir programa proposta nebe sira hatama ne’e hodi nune’e iha resultado ne’ebe diak ba iha projeitu dezenvolvimentu komunidade nia le’et.
Iha parte seluk Presidente Assosiasaun Radio komunidade Presadio Ximenes hateten katak,fundu ajudas ne’e importante tebes tamba agora dadauk radio komunidade sira iha 13 distrito preparaan atu involve direita ba prosesu eleisaun tinan 2012
Presadio Ximenes hateten katak, fundu ajudas ne’ebe hetan hamutuk $ 2,840 ne’e sei ajuda radio komunidade nebe iha 13 distritu tamba ita hare katak radio komunidade barak mak sei prekupa ho ekipamentus radio nian. Hodi halao aktividade .
“Liu husi programa ne’e bele hetan ekipamentu radio nian nebe ami bele distribui ba iha stasaun radio komunidade hotu,”dehan Presadio.
Discussion about this post