Radio, online – Komisaun Anti Korupsaun (KAK) halao workhop ho Ministru Gil Alves hamutuk funsionairu MTCI tomak atu hakribi lalaok korupsaun, tamba korupsaun nudar aktu krimi kontra nasaun no povu nia vida. Iha workshop ne’e atu funsionariu sira iha kunesimento konaba KAK nia lalaok, no Impaktu Korupsaun ba nasaun.
Ministru MTCI Gil Alves iha workshop ne’ebe halao iha Centru Convensaun Dili, Tersa, (25/10).
Ministru Gil hateten, “Ami mak husu KAK atu halo workshop ne’e atu ami nia funsionari sira bele hatene saida mak KAK nia knar. Liu husi ne’e atu hau nia funsionairu sira labele minimiza korupsaun.
Workshop ne’e kos responde ba deskonfia husi publika dehan MTCI halo korupsaun. Ida ne’e normal tamba Instituisaun governu nian, ema tenke deskonfia tamba ne’e MTCI hakarak halo prevensaun iha ministeriu,” dehan Ministru husi partido ASDT ne’e.
Husu konaba fos MTCI ne’ebe durante ne’e folin sae iha merkadoria, Ministru Gil responde katak, ida ne’e akontese tamba laiha tabela ida los-los konaba foin fos. MTCI iha deit lei konaba lukru masimu. Tamba ne’e lei iha ona, ba oin funsionariu MTCI sei identivika produtu saida deit mak vendedores sira fa’an lalika muda tun sae nia folin.
Adjuntu KAK asunto Prevensaun, Manuel Bucar hatet, importante duni atu funsionari sira bele hatene papel KAK naia, tamba tuir lei KAK wainhira ema halo korupsaun ne’e tenke investiga atu hatete los no sala.
“Ami fo agradese ba MTCI bolu ami mai esplika papel KAK nian no fo esplika konaba tipu-tipu Korupsaun. Ita hein Iha futuru ita bele prevene korupsaun,” Manuel espera.
Discussion about this post