Radio, online – Relasiona ho lider politiku balun ne’ebe agora dadaun halo mini kampanha iha teritoriu, tamba ne’e foin sae FRETILIN Distritu Dili husu ba Militante atu mantein pozisaun hodi harosu elisaun 2012 no lalika monu ba manobra politka foer.
Porta Voz FRETILIN Foin Sae Distritu Dili, Paul Soares liu husi konferensia da emprensa Kuarta, (26/10) hateten, partido FRETILIN kumpri regra konstitusaun RDTL, tamba ne’e foin sae FRETILIN husu ba lideransa iha baze atu mantein pozisaun hodi la lika monu ba propaganda Politiku balun ne’e durante ne’e tama sai Distritu halo mini kampanha.
“Ita FRETILIN mos sei hamosu kandatus ba Prezidenti da Republika iha tempu badak hodi kompete ba elisaun tinan 2012,” Pual konfesa.
Porta Voz ne’e hatutan, militants no simpatizantes FRETILIN husi tasi feto to’o tasi mane atu lalika monu ba propaganda politiku husi politiku balun, tamba ita mos sei kandidata ita nia lider politicu ba kompete iha elisaun. Tamba FRETILIN, Partido ida ke istoriku no mate ba ukun raisk an hodi kontra invazauns Indonezia.
Iha fatin hanesan Veteranus Alexio da Silva alias manu koko tuir nia hare partido ida, rua, ka tolu mak halo ona mini kampanha tamba Ida ne’e kontra ona Lei ne’ebe hakerek iha Konstituasaun RDTL.
“Ami FRETILIN lakoi kontra fali Lei, tamba Prezidenti Republika seidauk fo sai loron kampanha. Hau husu ba Militantes sira iha eleisaun vota ba kandidatura FRETILIN ne’ebe sei fo sai ba publiku ofisialmente,” Alexio komenta.
Tuir saida mak mosu iha tereinu Deputadu husi Fretilin, Antonio Cardoso lao hamutuk ho Taur Matan Ruak hodi husu apoiu ba Taur nian ba kandidatura Prezidenti da Republika periodu 2012-2017.
Discussion about this post