Radio, online – Reprezentante Espesial ba Sekretariu Geral Nasoens Unidas hanesan mos Xefi misaun Manutensaun ba pas ONU iha Timor Leste, UNMIT Ameerah Hag hateten, tuir planu misaun UNMIT sei remata nia misaun iha TL depois eleisaun jeral, Dezembru 2012.
Ameerah dehan liu husi konferensia da emprensa ho jornalista Segunda, (24/10) Kuartel Jeral UNMIT iha Kaikoli, Dili. Xefi UNMIT ne’e dehan, relasiona ho loron bo’ot Nasones Unidas, UNMIT sei remata nia misaun iha Dezembro 2012 maibe sei halo planeamento rekeriada manutensaun pas ONU nia prezensa iha TL.
“Pais ne’e forti ka estavel maibe mos sei halo refleksaun konba ONU nia prezensa iha Timor Leste,”Ameerah komenta.
Selebra loron bo’ot ONU nia ne’e governu ho sosiedade sivil no povo servisu makas hodi dezenvolve nasaun ne’e. Liu husi loron bo’ot ne’e sai hanesan refleksaun hodi hadiak liutan misaun ONU nian iha mundu tomak.
ONU sei retira hotu nia misaun, maibe ajensia no fundo sei iha ne’e hodi kontinua servisu hamutuk ho governu iha prosesu dezenvolvimento sosial ekonimia nian ba povo.
“Ami esprera, estabilidade iha Timor Leste iha elisaun jeral sei lao ho diak tamba durante ne’e ami hare kalan no loron ema barak mak moris iha hakmatek. Ami hein katak elisaun jeral ne’e sei livre no Justu.
Tamba Lideransa iha nasaun ne’e no partido politiko sira deklara no forte,” Ameerah konfesa.
Husu konaba prezensa Forsa Stabilidade Internasional (FSI) hanesan forsa Australia ne’ebe povu prekupa tebes tanba tama sai fatin lulik laiha kordenasaun ho povu. Responde ba ida ne’e Xefi UNMIT hateten, prezensa FSI iha TL nudar akordu bilateral husi governu TSI laos iha UNMIT nia okos.
UNMIT ho FSI iha servisu paralel deit konaba kazu FSI nian ne’ebe halo arbiru ih komunidade nia le’et UNMIT lahatene.
Discussion about this post