Radio, online – Primeiru Ministru Kay Rala Xanana Gusmao dehan, iha fulan Novembru agora Prezidenti Estadu Unidas da Amerika (EUA), Barack Obama sei vizita ofisial ba Australia. Aproveita vizita ne’e Ministru Defeza Australia prepara ko’operasaun ida ho EUA atu monta forsa EUA iha tasi Timor no Darwin.
“Hau foin le’e iha jornal, iha aviaun laran Ministru Defeza Australia dehan katak, ho vizita Barack Obama iha fulan Novembru halao vizita ba Australia, sei reforsa prezensa fosa EUA iha tasi Timor,”dehan Xanana ba jornalista Sesta, (21/10) iha Aeroportu Internsional Nicolao Lobato, bainhira fila husi nia vizita nasaun foun, Sudaun.
PM Xanana dehan, ko’operasaun ne’ebe Australia halao ho EUA, sei reforsa mos forsa EUA iha tasi timor, ne’ebe Australia presiza tebes kontizente EUA iha tasi Timor no forsa Australia atu nafatin iha Timor Leste.
“Laiha logika ba ida ne’e. ne’ebe ita TL agradese tebes ba FSI tanba sira ajuda barak liu durante iha krizi nia laran. Hau husu depois eleisaun 2012 hotu sira bele fila ba ona hamutuk ho UNMIT,”dehan Xanana ho firmeza.
Eis Komandante da Libertasaun Nasional ne’e hateten, agora dadaun FSI sei nafatin iha TL tamba eleisaun 2012 besik ona. Xanana halo apelu ba povu tomak presiza komporta-an didiak i hatene moris ho domin no dame.
“Ita sei la presiza bolu ema husi rai liur mai lao hela deit, lori kilat tun sae maibe la halo buat ida. Gasta sidadaun Australiano nia osan hodi selu impostu ba governu Australia. Hau simu keisa barak husi povu katak, FSI sira halo patroliamentu tama arbiru deit ba ema nia uma lulik no lori helikoptru ba halo karau sira halai arbitu deit,” dehan Xanana haktuir povu nia lian.
Discussion about this post