Radio, onlie – Comisaun Nasional Eleisoens (CNE) , Polisia Nasional Timor Leste (PNTL) hamutuk Igreija husu ba partido politikun sira mak ejisti iha nasaun ne’e winhira halao kampanha ou sosializasaun ba militantes labele sadik fali milatante no soran povu ba intereses partido nian.
Atensaun ba partido ne’e wainhira partisipa iha seminar ne’ebe organiza husi UNMIT ho Tema “Forum Governasaun Demokratiku Asegura Paz no Siguransa ba Eleisaun 2012 iha otel Timor Kinta, (29/9).
Reprezentante husi Igreija Pe. Martinho Gusmão dehan, tuir artigu 8, kompotensia atu halo esklarementu objetivu aserka de eleisaun atraves de media komunikasaun sosial. Media iha iha Timor Leste tenkiser espesialisa dala ruma halo konfuzaun barak. Eestabilidade no paz ne’e la mosu tamba lia fuan ne’ebe hanesan sai gasolina bele hamosu problema.
Ho ne’e, Pe. Martinho husu ba sosiedade sivil no media komunikasaun atu halo rede ida atu sai nudar fiskalizador supervizaun iha prosesu eleisaun, atu nune’e bele asegura estabilidade eleisaun 2012.
Adjuntu Komisariu PNTL, Afonso de Jesus hatete, eleisaun jeral 2012 ne’e hanesan aktivdade importante ne’ebe nasaun ne’e tenki halao, sai hanesan dalan ba dezenvolvimentu demokratiku iha nasaun ne’e. Tamba ne’e husi parte asegura seguransa laos parte husi PNTL nian deit, maibe sidadaun hothotu iha obrigasaun, dever responsabilidade atu bele asegura eleisaun ne’e bele lao diak ho susesu.
Tuir Afonso, papel importante PNTL nian atu halo ninia kna’ar aktivo halo prevensaun atu nune’e la bele hamosu konflitus durante periodu eleisaun tinan 2012. Iha eleisaun 2012 PNTL halo mak fornese ambiente ida ne’ebe iha seguransa no seguru, asegura eleisaun ne’ebe livre no justu, mantein orden no proteze ema nia vida no rikusoin ne’ebe mak iha rai ne’e.
“PNTL nia halo mos koordenasaun hamutuk atu hare kona ba planu saida mak atu halo prepara hodi asegura eleisaun tinan 2012, hodi nune’e prosesu eleisaun ne’e lao ho diak,”nia informa.
Adjuntu PNTL ne’e mos hahu ba lider partido politiku sira mos tenki fo apoiu no kontribuisaun ne’ebe maka’as ba instituisaun ida nee atu nune’e bele asegura eleisaun 2012.
Komisairu CNE, Alcino Barris hateten, bainhira atu asegura eleisaun jeral 2012 partido poltiku sira tenki hatudu exemplu ne’ebe diak atu nune’e bele garantia estabilidade no paz iha eleisaun ne’e.
Iha fatin hanesan Primeiru Ministro Interino Jose Luis Guterres garantie katak eleisaun tinan 2012 oin mai sei lao ho estabilidade no paz.
PM Interino ne’e hare ba tema ne’e ”Asegura Paz no Seguransa Ba Eleisaun tinan 2012 ne’e importante tebes, tamba asuntu ida ne’e laos Governu, Parlamentu Nasional, Ministeriu Defesa no PNTL nia deit maibe povo tomak nia.
Jose Luis husi Frente Mudansa rekoinese, sosiedade TL ne’e falta respeitu ne’ebe hanesan ai kose ida bele kria instabilidade. Tamba ne’e e lider paritido politkku hotu atu halo mensajen diak ba militantes no povo atu reforsa liu tan papel PNTL. “Ita tenki garantia sei la iha problema iha prosesu eleisaun jeral 2012 mai,”nia apela.
Discussion about this post