Radio, online – Centru Komunidade Islamika Iha Timor Leste (CENCISTIL), fo avizu ofisial ba Komunidade Islamika iha Timor Leste hodi partisipa maximu ba Jejum Rahmadan Tinan 2011.
Avizu ne’e fo sai husi Prezidenti CENCISTIL Ipolito Soares liu husi konfrensia da emprensa iha Mesquita Anur Kampung Alor, Dili Sesta (/29/7).
Prezidente CENCISTIL ne’e esplika liutan, antes atu selebra loron Idul Fitri ba Islamika iha mundu tomak sei halao uluk jejum durante fulan ida tomak. Ida ne’e hanesan fiar nain sira, obrigatoria ba islamika sira atu halao jejum atu nune’e fiar maka’as nafatin ba sira nia Maromak.
Komunidade Islamika iha TL, jejum Rahmadan tinan ida ne’e ho tema “hametin nafatin pas no dame fo apoiu nafatin programa dezenvolvimentu estadu Timor”. Tuir kalendariu Islamika nian tinan ida ne’e Jejum eei halao iha Segunda (8/11).
Ipolito hatutan, signifika husi fulan Rahmadan hanesan fulan ida ne’ebe ba Muslimanu sira halao jejum, la han meudia, la besik kaben. “Ita tenki sakrafisiu durante fulan ida atu nune’e bele hatene sofrementu ema balu ne’ebe la iha kbi’it ekonomia,”
Iha Rahmadan ne’e sei halao aktividade hanesan lomba le’e Alqu-ran. Nune’e mos sei halao cerdas cermat siensias ba labarik Islamika.
Ipolito fo sai ba komunidade sira ne’ebe iha Distrito Lospalos, Baucau No Viqueque sei halao Sholat iha Mesquita. Distrito Bobonaro, Manatutu, Oecusse, Liquisa, Aileu, Ermera no Suai nebe’e la iha Mesquita sei halao Sholat iha ida-idak nia uma.
Discussion about this post