Radio, online – Liu husi konferensia ba konselhu juventude Distritu Dili hodi estabelese estrutura Sub-Distritu Nain Feto. Husi suku ne’en (6) husi Sub-Distritu Nain Feto suku Santa Cruz mak la partisipa tanba xefi suku laiha kolaborasaun diak ho nia juventude sira.
Konferensia juventude nivel sub-Distritu Nain Feto ne’e halao iha Suku Akadiruhun, Dili durante loron rua dia 28-29 de Julhu. Tema ba konferensia nee mak “ Foin Sae hamutuk hari paz no unidade nasional promove demokrasia hodi partisipa iha progresu dezenvolvimentu”.
Ko’ordenador juventude Distritu Dili, Martinho Casimero hateten konferensia konseliu Juventude nia ojektivu mak atu hare hodi hili resposalvelidade ba Sub-Distritu Nain Feto.
“ami atu organiza programa bele fo responsabilidade ba juventude sira no preparasaun ida ba sira,” dehan Mastinho.
Konferensia ne’e hodi estabelese estrutura juventude iha sukus no Sub-Distritu. Hodi nune’e iha programa suku laran juventude sira bele organiza malu. Estrutura ne’e ninia durasaun tempu to’o tinan hat (4).
Ba estrutura mak sei hili. Estrutura ne’e tenki involve feto. Antes remata Xefi CNJTL mak sei fo posse ba estrutura foun ne’e.
“Konselho Nasional realiza programa ida diak hanesan politika ida oinsa sira mos bele hetan kna’ar ida ne’e, atu iha preparasaun ba loron Istoriku hanesan 12 de Novembru atu nune’e sira mos responsalvidade atu organija Juventude sira,”nia esklarese.
Martinho hatutan husi estrutura ne’e mos hetan opurtunidade ba partisipa kongresu nasional ba juventude nian ne’ebe mak sei halao iha fulan Outobru tinan ne’e. Tanba mandatu Prezidenti CNJTL nian remata iha tinan ne’e.
Maria Auxiladora juventude husi suku Akadiruhun sente kontenti tamba bele involve iha konselho nivel Sub-distritu hodi forma estrutura legal ba futuru foin sae sira nian.
Tuir Maria liu husi konferesia ne’e mos ami bele hato’o ideias ba programa suku laran hodi halao. Hanesan agora dadaun atu tama ba loron Falintil, 20 de Agostu no loron juventude 12 Novembru nian nomos loron importante seluk hodi juventude suku laran ho ko’ordenador sub-distritu mak organiza rasik, laos buat hotu mai husi nivel nasional.
“Hau fo apoiu tomak ba estrutura foun, hodi prepra programa no aktividades juventude nian liliu ba foin sae Sub-Distritu Nain Feto,”nia rekomenda.
Discussion about this post