Radio, online – Universidade Nacional de Timor Lorosa’e(UNTL) hahu loke tan istoria ba iha area edukasuan sai avansadu ho lansamentu programa estudu magestradu no Doutoramentu.
Lansamentu ne’e halao iha salaun Centro Convencao de Dili Kinta, (28/7) Kaikoli, Dili. Planu strajeiku ba programa magestraduno Douroramentu ne’e ho nia durasaun 2011 – 2020.
Ba jornalista Reitor UNTL Aurelio Gutteres hatete, lansamento ne’e foin primeira vez no programa ne’e alina ho Plano estratejiku husi governu relasiona ho kapital humano.
Aurelio hatutan, ba oin atu implementa programa ne’e, presiza apoi maka’as husi nasaun seluk hanesan Portugal Australia, Indonezia, Japaun, Nova Zelandia no Cuba ne’ebe sai parseiru ho UNTL. Nasaun hirak ne’e mak sai testamunha ba lansamentu.
Konaba infrastrutura, Reitor UNTL ne’e hatete, prepara ona ne’e mak hanesan biblioteka, salas aulas no seluk. Ne’ebe iha ona prosesu laran .
Vice Ministru da Edukasaun Paulo Assis Belo rekoinese katak, maske problema edukasaun barak mak hasoru hanesan ensino baziku, ensino sekundaria. Maibe Ministeriu da Edukasaun fo apoi tomak ba universidade iha nasaun ne’e atu bele halo dejenvolimentu ba rai ida ne’e.
Iha fatin hanesan Prezidenti Republika Jose Ramos Horta dehan, tinan ida ne’e orsamento ne’ebe governu aloka ba edukasaun ki’ik, tamba ne’e nia rasik mos prekupa liu konaba merenda eskola no kodisaun eskola.
PR Horta husu husi nivel baze mak bele ba oin . PR Horta fo apoi ba inisiativu tamba importate tebes professor universitariu bele hatudu sira nia mehi.
“Hau husu ba governu tenke tau orsamentu sufsiente ba iha area edukasaun, tamba futuru nasaun ne’e nian,”Horta apela.
Vice Ministru Jose Luis Guteres mos dehan, eventu ne’e istoriko no eventu ne’e importate tebes ba povo TL tamba universidade mak sai testamunha
kuinesido iha mundo.
Governu senti konteti, tamba Xanana mos hateten dala barak hateten Sira nebe iha area siensia teknologia bele lori rai ida ne’e sai dejenvolvido tamba ita mos iha rikeza barak.
Discussion about this post