Radio, online – Programa East Timor Community Assistance Scheme (ETCAS) husi governu Australia mai TL hodi oferese Biblioteka ba povu Distritu Ermera. Orsamentu ba kontruksaun Biblioteka ne’e hamutuk $30.000,00, ne’ebe kaer husi kompanha GNS Geramic, husi Australia no invidual balun husi Estadus Unidus Amerika no Australia.
Iha serimonia inagurasaun ne’e hola partisipa husi Ministru Edukasaun João Cancio Freitas, Embassador Australia mai TL Miles Armitage nomos embassasor Nova Zelandia mai TL hamuutuk lider komunidade Distritu Ermera. Ingaurasaun ne’e halao iha Sesta, (22/7) iha Gleno.
Diskursu ME Joao Cancio hateten, Biblioteka hola parte importante ba kontibuisaun prosesu desenvolvimentu nasional. ME husu ba estudante sira atu mai le’e livru no bele mos fo tempo ba mestre no mestra sira atu aumenta tan sira nia kapasidade atu hanorin estudante sira. Biblioteka sai fatin ida importante tebes, tamba Biblioteka ne’e mai los kedas eskola nia le’et.
“Ema mak sai potensial ba desenvolvimentu ema matenek sira. Matenek sira sai ativu liu partisipa iha desenvolvimentu,”tenik joão cancio
ME João Cancio hatutan, Biblioteka ho eskola iha ligasaun ba malu. Biblioteka ho eskola sira ne’e iha ligasaun intima tebe-tebes eskola presiza livrus, Bibliotéka ne’e mós hala’o programa balu iha komunidade, hanesan fahe livrus no informasaun ba komunidade sira. Ida ne’e inklui servisu hamutuk ho inan-aman foun sira iha ospitál, serbisu hamutuk ho inan sira liu husi grupu feto nian no serbisu hamutuk ho mestre no mestra liu husi eskola sira.
Iha okazião ne’e mos Ministru Edukasaun João Cancio Fritas hatutan tan katak iha tempo badak nia laran sei loke tan Biblioteka nia sanak ba sub distritu Ne’en (6) iha Distritu Ermera nia laran
Iha fatin hanesan Embaixador Australia mai TL, Miles Amirtage reforsa, bibileoteka ne’e hamrik tamba servisu hamutuk entre povu Australia ho povu Timor leste. Biblioteka nia funsaun atu hari’ no aumenta ema koinesementu nebe’e klean iha mundu siensias no teknologia.
“Biblioteka ne’e hamirik tamba esforsu servisu hamutuk entre husi partes tomak husi komunidade, Governu Sosiedade Sivil No Governu Australia”, dehan Armitages .
Discussion about this post