Taur Husu Povu Lalika Tauk ho Kilat “Beto Barat-Timur Premeiru Operasaun”

Radio, online – Major Jeneral Taur matan Ruak husu ba povu, liliu ba komunidade Dili laran lalika tauk ba kilat sira mak tarutu iha kalan, tanba la kleur forsa F-FDTL hamutuk ho PNTL sei kaer ema sira kaer kilat konsedera hanesan kriminozu nasaun nian.

Taur hatutan, tuir legalidade hakerek iha Konstituisaun, Instituisaun F-FDTL no PNTL mak iha direitu uza armas hanesan kilat, pistola farza no material funu nian.

“Hau husu Povu sira , sei karik hare ho matan rasik ema sivil lori kilat keisa ba Polisia. Durante ne’e iha kilat falsu hodi ameasa povu, depois tau iha rumoris nia laran,”dehan Taur foin lalais ne’e, iha Waimori.

Liu husi hasoru malu Premeiru Ministru Kay Rala Xanana Gusmao ho Prezidenti da Republika Jose Ramos Horta, PM Xanana husu ba PNTL-FDTL atu tama sai uma hodi rekoila sasan kroat ne’ebe partense ameasa ema nia vida.

“Hau fo lisensa ba polisia ho forsa atu tama uma sai uma iha Dili laran hodi rekoila sasan kroat, hodi ema hotu partisipa iha hari paz,”Xanana akresenta.

Tuir Xanana lori forsa tama uma sai uma hodi hanorin ba povu atu moris iha paz no dame nia  laran.
Depois despaisu tun, iha loron Sabadu (23/7) PNTL hamutuk ho F-FDTL halao operasuan tama uma sai uma iha Suku Comoro parte Beto barat no Beto timur. Iha operasaun ne’e konsege rekoila sasan kroat hanesan rama ambon, dima, samurai no katana naruk.

Iha parte seluk sosiedade Sivil Diretor Fundasaun Mahein (FM), Nelson Belo hatete, bainhira kilat tarutu iha teritoriu signifika TL seidauk seguru. Kilat ne’e amiasa ba ema nia moris, estabilidade. Kuandu povo la senti hakmatek, ida ne’e problema boot duni, tamba ne’e tenki halo asaun ruma husi estadu hodi prevene.

FM kestiona konaba kilat ilegal, tanba iha semana hirak liuba, tuir informasaun ne’ebe fo sai husi kilat tarutu iha Dili laran, no rejulta ema balu kanek, Kazu hanesan ne’e maske numeru la makaas, hanesan akontese iha nasaun seluk, maibe ne’e hatudu katak TL iha duni kilat illegal.

FM sujera antes atau halo operasaun hodi rekoila kilat illegal, tenki halo uluk annual auditin, hodi identifika kilat hira iha PNTL no F-FDTL.