Radio, online – Inspektur Valente Soares da Silva husi Transito nasional halo apela ba kondutor publiku microleta ne’ebe halai la tuir dirasaun (jurusan-reda) sei muda xapa publiku ba iha privadu hodi labele halo operasaun.
“Microleta mak lakoi halai tuir dirasaun ami ida alternativu hodi hapara sira nia operasaun no muda sira nia xapa ba privadu, atu nune’e ema hotu hakruk ba lei,”nia komenta.
Tanba hetan informasaun no identifika ona microleta ho numeru xapa mak hanesan tuir mai ne’e dirasaun 010, 34-027 TLS, 010, 33-739 TLS, 09, 35-885 TLS hetan micoleta prende tiha kareta ne’e no lori mai iha edifisiu Dirasaun Transito Sinais Radioaktivu (DTSR) nasional, tanba laiha lisensa.
Informasaun ne’e Inspektur Valente ba radioliberdadeonline iha nia servisu fatin Sesta, (22/7). Kaikoli, Dili. Transporte publiku ne’ebe temi ninia xapa iha leten ne’e hetan reklamasaun husi komunidade katak halai la tuir dirasaun.
“Microleta dirasaun 03 halai la tuir dirasaun iha area branca ninian. Sira halai to’o iha dalan klaran fila deit ona no hatun pasazeirus tuir sira nia hakarak. Ami sei preden microleta sira mak halai nakar ne’e,”realasa Valente.
Ba oin husi Polisia transito nasional sei halo operasaun check point ho Dirasaun Nasional Transporte Terestres hodi kontrola dirasuan ba micoleta sira.
Hanesan mos transporte publiku Taxi, sei fo atensaun maximu kareta ho xapa privadu pinta kinur hodi halo taxi buka osan, ne’e illegal. “Ami sei preden hotu taxi privadu hodi ba taxi publiku,”nia apela.
Pascola Guterres kundutor Microleta dirasaun 010 konkorda ho asaun polisia transito hodi prende microleta sira mak nakar, tanba balu mak halo microlet hotu hetan atensaun.
“Hau durante lori microlte ne’e halai tuir dirasaun lolos no nunka halo pasajeirus sira hirus tanba la to’o fatin. Hau sempre halo tuir pasajeirus nia hakarak,”nia hatete.
Discussion about this post