JSMP- FOKUPERS Lansa Relatoriu Lei Kontra Violensia Domestika

Radio, online – Judicial Sistem Monitor   Programe  (JSMP) servisu hamutuk ho Fokupers lansa relatoriu analiza kritika  ba lei kontra violensia domestika Ho “Tema“ Infrenta Dezafiu  Violensia Domestika  Iha Timor Leste, Lei Foun Bele Lori Rezultadu?.

Serimonia lansamentu ne’e hodi entrega relatoriu kritika ba PDHJ, SEPI, INAP, no Ministeiru sira mak sai xefe ba implementasaun lei kontra violensia domestika iha salaun Delta Nova Comoro, Dili Kuarta (20/11).

Director Judisial Sistem Monitor   Programa  (JSMP), Luis de Oliveira Sampaio  haktuir, objetivu husi relatoriu ne’ebe   mak lansa dadauk ne’e hodi halo analiza ba lei kontra  violensia domestika.

Fo sujestaun kona ba interpretasaun preferidu ba provizoins xave sira no mos terminolojia  balun ne’ebe la klaru no posibilidade implikasaun ba interpretasaun  espesifiku iha pratiku.

Iha parte seluk Director Fokupers Maria Barreto, hateten katak,rekomendasaun no sujestaun sira ne’ebe mak inklui iha relatoriu ne’e ho intensaun atu provoka  diet diskusaun  diak liu tan no promove asaun ba oin  hodi atinji objetivu  sira ne’ebe mak hatu’ur  ona iha lei kontra violensia  domestika.

“Susar tebes atu sosializasaun ba lei kontra violensia domestika, tanba kazu ne’e ema barak mak seidauk komprende didiak,”nia komenta.

Tuir JSMP -FOKUPERS  nia observasaun   katak,maski lei  violensia domestika ne’e tama  ona en vigor durante tinan ida ,maibe vitima violensia domestika ,nafatin infrenta dezafiu oin-oin hodi prozesa sira nia kazu liu husi prozedementu formal ne’ebe mak iha.

JSMP -FOKUPERS konsiente katak, situasaun hanesan ne’e kontinua afeita ba iha vitima sira hodi hetan asesu ne’ebe mak adekuadu no proteze sira nia direitu no interese atu asesu justisa ne’ebe mak justu no kredivel  bazeia ba  espiritu  no objetivu husi lei ne’e rasik.

Iha fatin hanesan Diretor Geral Sekretariu Estado Pormosaun Iguladade (SEPI) Tomas da Silva  hateten , lei kontra violensia domestika  importante tebes  ba ita nia nasaun  atu nune’e bele asegura no kontrola ita nia hahalok rasik.

“Lei ne’e hodi kontrola iha ita ita nia uma laran rasik. Ita tenki haka’as oinsa lei ne’e atu ema hotu konsiente hodi aplika no hakribi violensia,”nia sujere.