Transferensia Gerilha, F-FDTL Halo Exersisiu Asalta Malu

Radio, online – Hodi labele haluha ba memoria luta nian iha area forsa ne’ebe halao gerilha durante 24 anos hasoru invazor militar Indonezia, F-FDTL halo exersisiu ho naran Cobra gerilha.  Exersisiu Cobra gerilha ne’e hodi koko ba soldado Foin sae sira ne’ebe’e foin tama iha F-FDTL.

Exersisiu Cobra gerilha ne’e halao iha Suku Waimori Sub-Distritu Vemasse, Distritu Baucau iha Tersa, (20/7).  Iha exersisiu cobra gerilha halo asalta malu no forsa sira tiru malu ho bala borasha.

Major General Taur Matan Ruak iha suku Waimori ba jornalista hatete katak, . exersisiu ne’e iha objetivo oinsa soldado foun sira bele iha koinesimentu durante  kapasidade ne’ebe sira hetan iha Forsa. Trasfeira esperensia ba soldadu foun sira konaba girileirus.

Halo embuskada no koko mos F-FDTL nia kapasidade tamba Tinan 10 ona mak foin halo fali no oinsa sir a bele iha kapasidade konaba logistika nia.

Taur hatutan, hili fatin Waimori ne’e tamba, nia polulasaun ladun barak no iha tempo okupasaun povu refere koinese Falintil barak . Tamba ne’e hili fatin ne’e sai fatin treinamentu no tuir plano sei halao aktividade hanesan ne’e iha fatin seluk.

Taur husu ba forsa foun lalika haluha  istoria rasik, tamba ne’e sira ne’ebe foun  tenke aprende makas atu foti timor nia naran iha futuru maske Timor ne’e rai ida ke ki’ik oan.

“Uluk ami iha ai laran ho lia fuan ida katak  povu hanesan be’e sira hanesan ikan tamba ne’e ita tenke hadomi povu tamba iha situasaun defisil sira nafatin iha ita nia sorin liu liu iha tempo invazaun,” Taur konfesa.

Iha fatin hanesan Prezidenti Republika Jose Ramos Horta hateten katak, exersisiu konaba gerilha ne’e importante tebes. “Ita bele hase tekniku ida no husu  ofisial joven sira ne’ebe tama  F-FDTL atu servi nasaun. Ita lalika haluhan instoria Timor tamba povo barak mak fakar ran iha rai ida ne’e,”. Horta  rekomenda.

Horta hanoin hikas fali ba veteranus sira ne’e esvorsu iha Tinan 24 nia laran sei moris. Hanesan Taur Matan Ruak, Falur,  Lere no seluk tan sira nia sakrifisiu tinan hat nolu ona.

“Gerilha tenke hamutu hadomi povo atu povo bele hamutuk ho ita. Iha rai ne’ebe ho sistema ditadura povu mak sai terus.  Maibe ita nia forsa hadomi povu desde luta kedan,”nia konfesa.