Radio, online – Sekertario Jeral Partido Sosial Demokrata (PSD) Marito Magno halo promesa ba povu, PSD mak manan iha eleisaun 2012 sei muda Timor oan nia moris sai hanesan ema Europea.
Lia hirak ne’e dehan husi, Sekjer PSD wainhira partisipa seminar nakloke ho jornalista iha Fundasaun Oriente, Dili Kinta, (7/7). Seminar ne’e organiza husi Centru Jornalista Investigativu Timor leste (CJITL).
Marito hatutan, eleisaun hanesan dalan ba partido ida hodi atinji nia obkjetivu. PSD iha objeitvu manan iha elisaun 2012, iha tinan 20 oin mai sei hari’i sosiedade tomak moris hanesan ema Europea.
Povu maioria hanesan sosiedade mediu. Iha elisaun 2007 PSD halo koligasaun ho ASDT hodi hetan kadeira 6 iha PN. ASDT hetan kadeira 5.
Tuir Magno moris sosiedade mediu hanesan “povu saude diak, uma diak, analfabetu zero, hahan la kuran no buat hotu kompletu. “Buat hirak ne’e mak realiza ho PSD nia mehi Timor ne’e sai hanesan sosiedade ida ne’e moris tuir ema europa sira,” Marito komenta.
Sekjer PSD ne’e ba media tenki imparsialidade no hatudu nia profesioanl atu nunebe bele hetan check and balance. Marito husu ba intitusaun media tenki kapasita jornalista hodi hasae kapasidade jornalista. Marito husu ba entidade hotu atu respeita media sira tamba papel media importante iha estadu demokratiku.
Iha elisaun 2007 PSD halo koligasaun ho ASDT hodi hetan kadeira 6 iha PN. ASDT hetan kadeira 5.
Diretur interinu CJITL, Filomeno de Brito Carvalho hateten, seminariu ne’e atu jornalista sira besik liu tan ba Lideransa Partidu Politiku sira. Hodi nune’e jornalista bele halo kobertura wainhira partido halao kampanya politka.
“Ita jornalista nia amigo ba ema hotu no ba partido politiku sira hotu. Ita nia prezensa iha kobertura fo sai ba buat ne’ebe faktus no lolos,”nia apela.
Discussion about this post