Radio, online – Movimentu Nasional Defende Soberania Timo-Leste hamahan-an iha Universidade Nasional Timor Leste (UNTL), konsedera iha parte seguransa seidauk permiti no seguru hodi dada kadora Greater Sunrise (GSR) mai Timor-Leste.
Kestaun ne’e hato’o husi Komisaun organizadora Sisto dos Santos liu husi seminar movimento nasional defende soberania Timor leste hamutuk ho Sekertariu Estado Rekursu Naturais ho tema “Politika Governu Atu Asegura Kadoras Mina Rai Kampu GSR Mai Timor Leste” seminar ne’e halao iha Kampus UNTL Kaikoli, Kinta, (7/7/).
Sistos haktuir, objetivu husi Seminar ne’e atu hatene konaba isu kampo GSR ne’ebe durante ne’e sai polemika iha komunidade nia le’et. Kadoras ba GSR ne’e sei diskuti atu dada mai iha Timor-Leste ou ba Australia.
Tuir Sisto presepsaun Timor Leste seidauk perfetu tanba iha area seguransa seidauk seguru hodi dada kadoras GSR mai Timor -Leste .
“Ita nia seguransa iha rai laran seidauk normal lolos no iha fronteira mos seidauk maximu fo garante ba seguransa,”nia komenta.
Responde ba kestaun ne’e Sekretariu Estado Rekursu Naturais Alfredo Pires hateten konaba asuntu seguransa diak ona kompara ho tinan hirak ba kotuk. Iha parte ne’e governu esforsu no nafatin fo korazen ba povu atu kria stabilidade no
instituisaun estadu PNTL-F-FDTL komesa profesional no prontu garante stabilidade iha nasaun ne’e.
SERN haktuir, kadoras GSR mai ona iha TL teknikamente la iha problema no pozisaun governu la muda tenki kontinua mantein katak opsaun kadores mai ne’e diak tanba ba futuru dezenvolvimentu nasaun ne’e.
Alfredo Pires rekoinese, prosesu atu dada kadoras mai TL tenki han tempo barak, tamba ne’e parte rekursu naturais nian sei halo diskusaun fulan tolu . Kompanha ne’ebe kaer GSR ne’e ho naran Woodside ne’ebe join hamutuk ho kompanha Shell. Governu hare sei iha konflitu entre kompanha rua ne’e mak governu Timor Leste husu ba Kompanha rua ne’e la bele kaer GSR.
Presidente Autoridade Nasional do Petroleo, Gualdinho da Silva dehan, ANP intermus projeito GSR ne’e sai hanesan autoridade designada tuir tratadu tasi Timor atu serve interese nasaun rua TL no Australia.
“ANP rasik estuda hela asuntu tolu mak hanesan pipeline lori ba Darwin maibe prosesamentu fabrika sei estabelese iha Costa Sul no ikus sira husik ro’o ida namlele iha tasi laran direitamente fa’an iha Mercado,”dehan Gualdino.
Nelasco Mendes estudante tuir ninia hanoin kona ba politika governu Timor Leste ne’ebe atu asegura kadoras GSR mai TL, ne’e hatudu rezultadu positivu tanba mina rai iha posibilidade bo’ot mai iha TL ba prosesu dezenvolvimentu tomak.
Seminariu ne’e hetan partisipa husi estudante UNTL, IOB, UNITAL, UNPAS, DIT, Sosiedade Sivil nasional no internasional, prezensa mos membru CPD-RDTL.
Discussion about this post