Radio, online – Sindikatu dos Professores de Timor Leste (SPTL), konsedera Ministru Edukasaun Joao Cancio Freitas hanesan lenuk, lao neneik no todan tanba seidauk implementa lei regime kareira ba professores sira. Lei espesial ne’e hetan promulgasaun ona husi Prezidenti da Republika 2010. Tuir promulgasaun lei ne’e sei implenta iha 1 de Janeiro 2011.
Kestaun ne’e hato’o husi Prezidenti SPTL Mario Thomas da Concencao iha konferensia da empresa Kuarta, (6/7) foin lalais iha Dili.
Prezidenti SPTL ne’e hatete, hodi husu ba Komisun Funsaun Publika (KFP) ho Ministeiru da Edukasaun atu aslera lalais prosesu implementasaun regime kareira espesial, nune’e bele halo pagamentu retroativu ba professores. SPTL konsedera katak, kualker lei ne’ebe mak Prezidenti Republika promulga ona nudar desizaun estadu nian, nune’e ME ka instituisaun estadu sira seluk iha dever no obrigasaun hodi ezekuta no implementa.
Mario haktuir, konaba resensiamentu, SPTL fo hanoin katak dadus hotu-hotu professores sira nian, entrega hotu ona ba iha ME, iha tinan kotuk ba kotuk. No entrega ona mos ba KFP. SPTL konsedera, la iha razaun hodi impede ba pagamentu tuir regime kareira ba professores.
“Ho lei kareira ne’e fo motivasaun no esperitu servisu professores hadiak liutan edukasuan iha nasaun ne’e,”nia akresenta.
Antes ne’e, tuir SPTL konaba regime kareira laiha problemas, maibe falta deit dadus balun ne’ebe seidauk haruka ba KFP, hodi hatene lolos ba professores ididak nia kategoria. Ba pagamentu tuir regime kareira seidauk bele implementa tanba ME seidauk ofereses dadus klaru no fiksu ba KFP hodi halo pagamentu tuir professores sira nia kareira.
Responde ba karta ne’ebe mak SPTL haruka ba ME, Vice Ministru Edukasaun Paulo Assis hatete, konaba regime kareira agora ne’e dadauk rekursu humanus iha ME sei halo resensiamentu hodi rekoila dadus. Kuandu resensiamentu iha fulan Junhu ne’e remata, kontinua kedan halo pagamentu reatorativu ba professores sira.
Nune’e mos Paulo Assis dehan konaba tempo formasaun utiliza iha tempu feriadu, sei halo mudansa ba tempu formasaun ne’e, hodi nune’e professores sira mos iha direitu ba feriadu.
Discussion about this post