Radio, online – Front Trabailador Maubere, (FORAM) halo asaun greve hasoru kompania Konekto, tamba hasai trabailador Timor oan nai hat (4) seim iha justifikasaun no dun tan naokten.
Porta Voz FORAM, Juliana Guterres, iha asaun greve iha supermerkadu Land Mark nia oin Kinta, (27/9) hateten, Foram halo greve tamba kompania Konekto hasai trabailador Timor oan nain 4 depois dun tan hanesan ema naok ten.
“Ami halo greve tamba hasai Tabailador nain ha’at la ho faktos kazu ne’e, ami ho Trabailador hasoru ona parte governu liuliu ba SEPFOPE ne’ebe la fo solusaun ba kazu refere,”dehan Juliana.
Porta Voz ne’e hatutan, wainhira la iha rejultado Foram sei kontinu halo greve to’o hetan frezultadu.
Vitima husi kompania Konekto ne’ebe lakoi temi nia naran dehan, kompania hasai husi servisu no dun tan naokten. Maibe dun naokten ne’e la justifikasaun no la iha evidensia forte.
“Patraun dun ami naukten, dehan sira nia sasan sempre lakon, dehan ami nain 4 mak naok. Kompania lori ema nain tolu hanesan sasain dehan ami naok sira nia sasan, maibe ate agora seiduak sira nia testamonia mos la mosu mai. Kazu ne’e amo lori ona ba SEPFOPE dala rua ona maibe la rezolve,”dehan vitima ne’e.
Liu husi dalan mediasaun, atu asina simu karta Putus Hubungan Kerja (PHK) maibe SEPFOPE lakoi atende ho diak. Pior liu mak SEPFOPE la fo dalan ba trabailador nain 4 atu hetan PHK, tamba fiar ba kompania ne’ebe dun matak traibailador hanesan ema naokten.
Tuir observasaun, membrus Foram halo asaun taka ibun iha dalan atu tama ba supermerkadu ba konsumidores sira labele halo kompras.
Maske polisia to’o, asaun ne’e nafatin kontinua hodi impede prosesu aktividades supermerkadu Land Mark, asaun ne’e ejiji hodi hetan ninia finalidade.
Paz Y Dezarollo viola lei salariu minimu
Antes ne’e, Foram liu husi konferensia da emprensa dehan ajensia Internasional husi nasaun Spanyol, Paz Y Dezarollo ho Tool/ Konekto iha fulan Agustu liu ba viola lei salariu minimu hodi halo pagamentu ba tuir standar.
Porta Voz, , Sonia Oliveira dehan, ajensia Spanyola, Paz Y Dezarollo hapara trabailador konforme sira nia hakarak.
Hatan ba kestaun ne’e, Diretor Geral SEFOPE, Jacinto Soares ba radio liberdade hateten, nudar governu tenke proteje trabailador no investor ho iha balansu
Jacinto hatutan, SEPFOPE laos tribunal, maibe fasilita parte rua tur hamutuk hodi hare lei ne’ebe vigor iha nasaun ne’e. “Ami protu bainhira mak hakarak rejolve, ami pront, ami nia odamatan nakloke,”.
Discussion about this post