Radio, online – Banku Mundial, iha Timor Leste prontu atu ajuda Sekertairu Estadu Politika Formasaun Profesional Empregu (SEPFOPE) iha area Vocational Training no programa Home Industry, ne’ebe uluk kria tiha maibe lakon tiha fali.
SEPFOPE, Ilido da Costa Ximenes, informa wainhira Banku Mundia halao vizita kortezia ba edisifu SEPFOPE.
Elidio dehan, husu ajuda iha area Vocational Training no Home Industry, tamba industry ita hare katak ita nia elektrisidade naroman to’o iha suku no aldeia, entaun Home Industry ne’e bele hamenus numeru dezempregu nomos fo empregu ba grupo joven no inan ama sira iha distritu no iha suku.
“Ahi elektrisidade laka ona, ita nia povu presiza tulun hodi utiliza enerjia. Diak liu povu sira uja ahi halo kadeira, karteira ruma ou sentru bambu ruma para bele fan fali mai Dili ou ba rai liu. Ba distritu progra,ma Home Industry ne’e importante tebes,’dehan SEPFOPE.
Alende ne’e mos, SEPFOPE iha planu ba joven sira mak aprende iha automotif sei haruka ba rai liur, tamba iha Timor ofisina sei menus. Ezemplu mak, Ministeriu Agirikultura fahe traktor barak no barak mak at maibe ofisina laiha atu halo menutensaun. Nune’e mos iha joven barak mak iha distritu sai halimar deit, diak liu loke ofisina taka roda nian atu joven sira bele buka rasik sira nia vida moris.
Discussion about this post