Radio, online – Sekertariu Estadu Juventude Desporto (SEJD) servisu hamutuk ho Timor Leste Media Development Center (TLMDC) entrega sertifikadu ba juventude husi Distritu 5 ne’ebe mak tuir treinamentu jornalismu durante loron lima, hahu iha dia 6 –10 Agustus 2012.
Serimonia entrega sertifikadu ne’e halao iha salaun salaun Joao Paulo II Comoro Sesta, ( 10/08).
Partisipantes tuir treinamentu ne’e mai husi sentru juventude husi distritu 5 mak hanesan, sentru juventude Aileu, Ermera, Liquisa, Manatuto inklui mos sentru juventude Distritu Dili. Total partisipantes hamutuk 25.
Diretor TLMDC Francisco da Silva Gary informa katak, durante treinamentu nne’e partisipantes sira ne’e konsege produz notisia hamutuk 6 (neen), balun hatun iha radio liberdade ho nia frekuensia 95, 8 Mhz nomos iha online ho nia website www.radioliberdadedili.com.
Diretor TLMDC espera katak ho esperensia ne’ebe mak partisipantes iha liu husi treinamentu ne’e sira bele fahe fali ba sira nia maluk juvetude sira iha sira nia sentru ididak.
Diretor Nasional Komunikasaun sosial, João dos Santos dehan, treinamentu ne’e laos ba partisipantes hotu-hotu atu sai jornalista, maibe atu kapasita joven sira iha sentru sira hodi nune’e sira bele halo kobertura iha sira nia sentru.
Tuir Diretor Nasional, durante ne’e aktividade barak mak juventude sira halo iha sira nia sentru maibe seidauk iha publikasau ne’ebe mak diak liu nomos oinsa halo transmite ba media nasional sira.
Esperansa, liu husi treinamentu ne’e barak mak sira hodi nun’ee bele fasilita joven sira sentru hotu-hotu atu nune’e juventude hotu-hotu bele asesu informasaun.
Tuir partipante, David Soares husi Distritu Liquica senti kontete tamba bele fo koñesementu klean liu tan jornalismu nia no nia hatutan tan katak bainhira nia fila ba nia sentru nia sei fahe esperensia ba nia maluk juventude ne’ebe mak iha inisiativa atu aprende.
Discussion about this post