Radio, online – Liu husi konferensia da imprensa iha loron 10/8/12 iha salaun SAHE, Farol, Dili, Feto Dadur no Resistencia e Klandestina, manifesta solidaridade ba Maria Domingas Fernandes Alves ne’ebe sai vitima ba desizaun la justo husi lideransa Nasaun ne’e ninian hanesan Presidente da Republika no Premeiru Ministru indijitadu uza sira nia autoridade nakonu ho ipokrizia no desakridita ami nia feto maluk ida ninia kapasidade no laiha razaun ida fundamentada.
Tuir Feto Dadur no Resistencia e Kladestina katak Xanana Gusmao hanesan Premeiru Ministru ba IV Governu RDTL hatene no konhese no hatene besik liu se maka Maria Domingas Fernandes Alves, ema ida ne’ebe Xanana Gusmao uza iha tempu difisil ba poizisaun hanesan Ministra Social Solidaridade hodi resolve situasaun ingrata ida ne’ebe arkitetu invisivel sira dezenha hodi hanaran krisi 2006.
Ho intensaun atu hatun Lideransa Fretilin nian liu-liu atinzi pesoas Marii Alkatiri, nudar sec. Geral FRETILIN nian. Krizi ida ne’ebe ita hotu hatene resulta konsekuensia dezastroza ba Povo Maubere nia oan hodi Fahe Povo ida ne’e ba Lorosa’e no Loromonu no koloka Estadu RDTL iha Marjen Frajilidade”.
Feto Dadur no Resistencia e Kladestina hatutan “Ministru AMP barak labrani atu simu Pasta ida ne’e so Maria Domingas Fernandes Alves maka ho nacionalismo forte hodi simu insultu oioin atu bele supera no resolve problema IPDs, Veteranus no problema social barak-barak nebe atinji Estadu Timor Leste no ohin loron CNRT bele hetan Vitoria no sai vensedor iha elisaun 2012”.
Ho nune’e mak Feto Dadur no Resistencia e Klandestina, husu ba Presidente Republik no Xanana Gusmao, Premeiru Ministru atu klarifika diferensa Sra.Maria Domingas Fernandes Alves ho ema balu nebe nunka hakarak indepedensia iha Rai ida ne’e. Tamba Razaun saida: Tamba nia feto, maka mane sira labele fo kontinensia?.
Ne’e hatudu retrosesu boot ida ba demokrasia no mos hamate Igualidade jeneru nebe atur iha ita nia konstituisaun RDTL artigu 16, 17 no 63 no konvensaun CEDAW. Ka tamba resentimentu pesoal ema balu nian ka interese seluk maka hodi hatun feto maluk ida ne’e nia personalidade hodi hamate prestizio no valor Feto Timor-Leste nian hanesan Maria Domingas Fernandes Alves, ema ida ne’ebe kontribui maka’as ba luta ida ne’e ho korajen no abnegasaun.
Se tamba veteranismo Maria Domingas Fernandes Alves nia mos veterana ida duni e ami mos kestiaona ema hirak ne’ebe lakohi ukun an bele lidera Ministeriu no sai Sec. Estadu ba fatin xave barak.
Feto Dadur no Resistencia e Klandestina, husu mos ba Presidente da Republika hodi esklarese ho razaun saida no sasukat saida maka Presidente Republika hatete katak, Maria Domingas Fernandes Alves laiha Abilidade? (Jornal timor post).
Feto Dadur no Resistencia e Klandestina, apela ba nain ulun sira ne’ebe senti an hanesan Unicos Herois, atu bainhira foti desizaun foti ho neon malirin hanesan ema politiku idoneu labele uza imi nia poder no arogansia hodi umilha ema seluk, liu-liu feto ida ninia dignidade.
Tamba Nasaun Timor-Leste sai independente ho partisipasaun Feto no mane iha Frente hotu-hotu: Frente Armada, Frente Kladestina no frente Diplomatika.
Atu hare ba sasukat Frente Kladestina totalmente blokiado hetan liu presaun politika Militar duke Frente sira seluk.
Atu hakotu ami feto dadur, resistencia clandestina no Gerasaun foun husu ba secretaria do estad o Promosaun de Igualidade Idelta M. R, atu hola provedencia ruma tamba ita boot maka nudar responsavel ba promosaun feto iha vida politika iha Nasaun Timor Leste.
Discussion about this post