Radio, online – Komisaun Organizadora Feira Jardin Borgas, Aquilis Soares da Costa hateten, aktividade feira mai husi inisiativa rasik hodi nune’e bele loke kampo de trabalho ba joventude sira ne’ebe laiha servisu no ba komunidade sira nebe kbi’it laek. Alende ne’e mos fundus husi feira ne’e rasik sei hari Kapela iha Manumeta Raihun.
Aquilis hato’o informasaun ne’e ba radioliberdadedili online, Kinta, (9/8), iha Jardin Borgas, suku Motael.
Komisaun organizadora ne’e hatutan, feira ne’e hala’o iha dia 05 – 11 de Agustos de 2012.
Objetivu feiras ne’e, atu fo ajuda hodi hari Kapela ida iha Manumeta rai-hun no fo ajuda ba grupo juventude tolu mak mak hanesan, juventude super start, juventude Katolika publiku motael no joventude São Jose.
“Difikuldade ne’ebe ami hasoru duarante ne’emak hanesan kupon lafolin no ema ladun mai, ” nia lamenta.
Juventude ne’ebe involve iha feira ne’e hamutuk ema 80 (walu-nulu ) no seguransa ema 20 (rua-nulu).
Total hamutuk ema 100 (atus ida ) grupo vendedores ne’ebe fan nia produtu lokal mak hanesan; grupu human, grupu homan Liquisa, Becora, grupu bola gulin no Grupo fan Ai-funan Delta.
Entretantu, feira ne’e hetan suporta husi kompanhia Ramkaby, no ekipamentu ba material lona hetan suporta husi Ministerio Turismu Comercio I Industria (MTCI ).
Tuir planu programa Feira ne’e mos sei realiza iha Gleno dia 20 de Setembro no 20 de Outubro, hodi fo ajuda centro Juventude Gleno no Kapela Ermera.
Discussion about this post