Radio, online – Komisaun Funsaun Publiku liu husi verifika dadus iha distritu 13 hodi foti desizaun katak, iha tinan ne’e governu foun bele implementa fo subsidiu ba funsionairu publikus iha area remotas.
Informasaun ne’e hato’o husi Komisaria Funsaun Publika, Jesuina Gomes wainhira hala’o sorumutu ho reprezentante husi Distritu 13 ho tema “Enkontru Nasional Finalizasaun Peskiza ba Definisaun Areas Remotas”. Sorumutu ne’e realiza iha salaun Ministério das Infrastruturas iha loron 31/07.
Tuir Komisaria, Jesuina, sorumutu ne’ebe mak sira realize ne’e bazeia ba dekretu lei no 20/2010 aprova kona ba Regime Suplemento Remonitorio subsidiu ida mak kona ba areas remotas tamba ne’e mak funsaun publika konvida Directores Distritais, Chefe Departamentos no Reposavel Sub-Distritos liu husi Ministeriu Ekonomia no Dezemvolvimento, Ministeriu Edukasaun, no mos Ministeriu Justisa atu konfirma dadus ne’ebe mak sekretariadu hetan liu husi peskiza ne’ebe sira halo iha tinan uluk no sira rekolla data primaria maibe sira mos presija data sekundaria husi ministeriu sira atu nune’e sira bele konfirma lolos dadus ne’ebe mak sira hetan
“Ami konvida Directores Distritais, Xefi Departamentos no Reposavel Sub-Distritos liu husi Ministeriu Ekonomia no Dezemvolvimento, Ministeriu Edukasaun, nomos Ministeriu Justisa atu konfirma dadus ne’ebe mak ne’ebe mak ami nia sekretariadu hetan liu husi peskiza ami nia nebe mak ami halo iha tinan uluk no ami rekolla ona data primaria husi minieteriu sira maibe ami mos presija data sekundaria atu verifika dadus sira ne’e ho lolos” dehan Gomes.
Jesuina hatutan tan katak, iha suplementu iha kategoria tolu mak hanesan area remotas, muita remota no extremamente remota. Indikadores ne’ebe mak atu hare ba kategorias tolu mak mak hare husi infrastrutura, instalasaun publika,no mos transporte.
Komisaria ne’e konfesa liu tan, kada areas sira ne’e iha nia persentajen. 40% husi funsionariu ne’ebe mak servisu iha area extremamente remota, 25% ba area muita remota 15% ba area remota.
Sekretariadu sei halo proposta ida ba iha Funsaun Publika hodi nune’e bele hetan aprovasaun, bainhira hetan tiha aprovasaun mak mak halo distribuisaun ba Ministeriu sira, Subsidiu hirak mak atu fo motivasaun ba funsionariu sira ne’be mak servisu iha area refere, no planu ne’e sei realize iha tinan oin mai.
Discussion about this post