Radio, online – Porta Voz, Assosiasaun Akademika Estudante (AAE) husi Fakuldade Faspol, UNTL, Napoleão de A. Soares liu husi konferensia imprensa iha Fakuldade Siensia Sosiais Kuarta, (18/07) husu ba orgaun estadu presiza halo intervensaun situasaun politika iha rai laran hodi nune’e iha estabilidade ba povu no ba nasaun.
“Ami husu ba orgaun kompetente para hodi antisipa no hodi hakalma konfrontasaun ne’ebe agora sei akontese dadauk,” dehan Pota Voz
Liu husi statmentu ne’e, Napoleão A husu ba Presidente da Republika hodi halo intervensaun ba situasaun politika ne’ebe la’o dada’uk iha rai laran hodi garante paz no estabilidade inklui unidade nasional ne’ebe ita hotu hakarak .
Nia husu mos ba siguransa Polisia Nasional Timor Lorosa’e( PNTL) hodi atua situasaun ho profesionalizmu tuir lei no ordem ne’ebe make iha
“PNTL sira labele uza forsa no agresivu hodi hasoru populasaun ne’ebe rezulta komunidade bain-bain sai vitima ou kria sentimentu antipatiku husi joven ba instituisaun seguransa” hato’o nia.
Porta voz mos husu ba lider rezistensia sira atu valoriza ba istoria libertasaun nasional ne’ebe iha para hodi dezenvolve povu rai doben Timor-Leste ba moris diak.
Ikus liu, husu ba kudrus politikus sira iha teritorio Timor laran tomak hodi sukat linguazen politika wainhira koalia ba publiku, tanba linguazen provokativu bele sobu Unidade Nasional.
Porta Voz ne’e reforsa katak ba povu maubere tomak hakribi violensia ba para hodi hakribi volensia no kria paz no estabilidade hodi kontribui ba dezenvolvimentu nasional.
Discussion about this post