Radio, online – Deputadu Parlamentu Nasional (PN) husi Bankada CNRT, Pedro da Costa hateten ho reasaun ne’ebe maka mosu iha kapital Dili halo Komunidade barak trauma tamba ne’e Polisia Nasional Timor-Leste (PNTL) hamutuk ho Falintil Forsa Defesa Timor-Leste ( F-FDTL) konsege hakalma ona situasaun iha kapital Dili.
“Ita nia instituisoins ne’ebe kompetente hanesan PNTL ho ajuda husi F-FDTL ne’ebe situasaun ita hare ba katak situasaun iha kapital Dili ne’e kalma no normal fila fali ona, maske sei iha lamentasoins ida rua husi familia maibe emjeral situasaun iha kapital Dili la’o diak ona,”Pedro komenta.
Tamba populasaun sira hala’o nafatin sira nia aktividade komersiais,” hateten Pedro da Costa jornalista iha uma fukun Parlamentu Nasional Kinta (19/7).
Tuir Pedro ho intervensaun husi Presidente da Republika Taur Matan Ruak nian ne’ebe bolu Partidu politiku sira ho intervensaun Major General Lere Anan Timor nian ho biban ida ne’e ema hotu nia hakarak situasaun ida ne’ebe paz no estabilidade respeitu malu ho toleransia hodi bele hari hadia povu nia moris iha rai ida ne’e.
Prezidente Bankada KOTA, Manuel Tilman hateten situasaun agora la’o diak oitoan ona tamba povu sira hala’o ona sira nia aktividade hanesan bai-bain estudante sira ba eskola maibe iha ida rua mak seidauk bele ho akontesementu ne’e .
“Ita hare situasaun komesa la’o diak ona maibe ho rasaun foin lalais ne’e halo ema barak tauk maibe agora ita nia instituisaun F-FDTL sira mos tuir hodi ajuda PNTL sira atu nune’e bele hakalma ita nia situasaun,”tenik Tilman.
Discussion about this post