Radio, online – Hodi garante makina servisu estadu nian sai efektivu, Komisaun Funsaun Publiku (KFP) aban, Sesta (1/7) sei fo tomada de posse ba funsionairu sira durante ne’e kontratadu sai permanente. Total funsionairu hetan posse hamutuk 13.227, funsionairu ne’e mai husi Ministeiru hotu-hotu. Serimonia posse ne’e halao iha GMT, Dili.
Informasaun ne’e fo sai husi Prezidenti Funsaun Publiku Liborio Perreira liu husi konferensia emprensa, Kinta, (30/6) iha nia servisu fatin Kaikoli, Dili.
Liborio esplika, komisaun funsaun publika halo hotu ona prosesu konversaun funsionariu temporariu ba permanente nebe total 1030 tama iha Administrasaun Publika RDTL hahu loron 1 fulan Jullho 2011. Nomeru ikus ba funsionariu ho kontrato prazu ne’ebe tama ba Administrasaun publika ona husi Sekertariu Estadu Konsellho Ministro.
Liboria hatutan, pasu ne’e sai hanesan marka istroriku importante ba nasaun Timor Leste, liliu ba Administrasaun Publika. “Ita garantia seguranca iha empregu ba ema rihun sanulu resin tolu ,hirak ne’e rihun nein mak professor ne’e signifika katak,grantia kondisaun diak ba moris familia,”nia akresenta
Liborio hahu esplika, prosesu konversaun ida ne’e bele hetan susesu, tanba hetan ko’operasaun husi Ministeriu ididak, Sekretariu Estado no apoiu husi Diretor ididak tuir kompetensia nebe politika fo ona. “Sira fo tulun iha verifikasaun dadus ba iha funsionariu ididak nian, hodi indentifika funsionariu nebe ense kriterius hodi hetan konversaun husi temporariu ba permanente,”nia esklarese.
Intregrasaun trabalhador temporariu sira iha funsaun publika presiza tuir kriterius nebe politika estabelese. Hanesan Timor ian, isin diak, klamar mos, matenek no madaen iha area ne’ebe servisu ba,
Ba oin, Komisaun Funsaun Publiku sei tau matan ba funsionariu publika sira ne’ebe hakarak tama iha funsaun publika hahu sira nia englesu to’o sira reforma, tuir lei nebe iha.
Albertina de Moniz hanesan mestri kontenti tebes estadu liu husi governu ne’e fo ona pozisaun klaru katak, sai ona funsionariu permanente.
“Hau hein tinan 6 nia laran no tuir formasaun barak, hau fo obrigadu ba governu iha atensaun ba ami nia futuru,”Azina kontenti.
Discussion about this post