Radio, online – Prezidenti Parlamentu Nasional dehan katak, laiha energia petroliferu maka sei la iha kresimentu ekonomia ba TL ne’ebe sae ba 12%. Orsamentu estadu nian sae maka’as depende maka’as husi energia petroliferu.
Kestaun ne’e Lasama hato’o wainhira partisipa konferensia ne’ebe organiza husi
kompanha Galp Energia konaba, Energia Petroliferu konferensia. Konferensia ne’e halao iha otel Timor Kinta, (30/6).
Lasama hatutan, konfrensia ne’e hanesan estudo bo’ot ida atu hetan informasaun husi nasaun sira ne’ebe iha esperesnia kona ba energia petroliferu. Lasama apresia ho maluk sira husi CPLP sei fahe mai Timor Leste areia petroliferu. Tamba Timor nia mina rai barak mak sei iha tasi laran.
Iha oportunidade ne’e, Xefi lejistlativu ne’e husu ba kompanha Wood Side atu dada pipe line, Greater Sunrise nian mai Timor leste. Tuir Lasama greater sunrice ne’e povu Timor Leste nian, laos Australia nian.
“Ita nia mina, ita mak iha direitu foti desizaun tuir nesesidade ita Timor hanesan nasaun foin mak ukun-an. Hau husu ba Australia tenki tau konsederasaun ba ami nia siku soin ne’e,”Lasama komenta.
Entertantu Lasama apela ba Joven tomak iha nasaun ne’e hodi fo kontribui ba establidade hodi nune’e, iha pasu positifu bo’ot bele dada Pipeline Greater Sunrise mai Timor Leste. Joven sira hotu lalika baku malu no oho malu.
“Povu tenki solidu no metin hodi foti nia riku soin, maibe povu rasik mak la metin ema seluk sei uza opurtunidade ne’e hodi foti ita nia riku soin,”Lasama kestiona.
Iha fatin hanesan Sekertariu Estado Rekursu Naturais Alfredo Pires, governu kontinua esforsu hodi lori pipeline Timor Leste. Dalan importante mos hanesan agora dadaun halo dikusaun kompanha mina sira hanesan Galp energia.
Pires hatutan, argumentu tekniko legal no importante ba Timor leste mak iha ona lei hodi hari kompanha rasik mak ha naran Timor Gap. Kompanha barak mak koko atu serbisu hamutuk, maibe governu mantein nia pozisaun katak, prosesu tomak tenki transparasia ba nia povu.
“Iha 2012 seidauk bele garante dada kadoras greater sunrise Timor. See konsege duni entau ita hotu nia esforsu,”Pires esplika
Discussion about this post