Radio, online – Prezidente Comisaun Nasional da Eleisoens (CNE), Faustino Cardoso hateten, total numeru buletin de votus imprimi hamutuk 720,000 (rihun atus hitu rua nulu), ba votantes ho total 645, 624. Numeru buletin de votus inklui ona rezerva pur volta 11. 52% no 74,376 (rihun hitu nulu resin hat, atus tolu hitu nulu resin neen husi antisipa posivel esgotamentu iha fatin votasaun sira.
Iha dia 27 de Junho, hahu husi tuku 07:30, STAE halo descaregantu hatun kaixa buletin de votus sira ne’e husi kameoneta rua kompania Silvia Printing nian. Ne’e akompanha ho termu de intrega husi STAE ba PNTL, hodi fahe ba distritu ididak,’’ dehan Faustino ba jornalista wainhira halo enkintru reprezentante parpol ka koligasaun partidaria sira iha edifisiu CNE foun, Caicoli-Dili, segunda.(02/07).
Prezidente CNE ne’e mos hateten, pakote Kaixa buletin de Votus ne’e koloka tuir sub-distritu no distritu ida-idak hamutuk 269 (atus rua, nen nulu resin sia) ho total Livro buletin de votus hamutuk 14,400 (livro ida iha buletin de votus lima nulu), ho distribuisaun tuir distritu, hanesan demostra iha tabela haswai iha slide antes ne’e.
Buletin de votus ne’e ho nia medidas hanesan 61 cm ba komprimentus (ne’e inklui canhoto) no 24 cm ba largura, imprimi husi kompania Silvia iha kupang, republika Indonesia.
Prosesu impresaun, tuir Faustino, supervizaun husi CNE, seguransa husi POLRI nia, reprezentante husi ekipa intelijensia nian, husi PNTL no observasaun husi PDHJ.
Total livru buletin de votus 14.400, numeru eleitor ba vota hamutuk 645, 624 numeru kaixa ou pakote buletin de votus hamutuk 269, fatiin votasaun ba eleisaun parlamentar 7 Julho 2012, iha sentru votasaun hamutuk 640, no estasaun de votasaun 880, no ne’e hatur tuir funsaun numeru eleitor no distansia husi Aldeia ba Aldeia.
Discussion about this post