Radio, online – Lamentasaun ne’e hato’o husi Xefi Casa Sivil, Prezidensia Repúblika Fidelis Leite Magalhaes nian, iha loron 3 Jullu 2012, depois de simu preokupasaun husi lider partidus politikus, no hala’o observasaun ba aktividades kampaña partidu sira nian durante ne’e, ne’ebe hatudu duni katak partidu politiku, liu-liu partidu bo’ot balun, uza fotografia Xefi Estadu nian hodi hala’o sira nia aktividades politiku hodi atinji sira nia interese.
“Prezidenti Repúblika konsidera katak hahalok ida ne’e iresponsabilidade tamba Prezidenti Repúblika nu’udar Prezidenti povu tomak nian. “Tuir konstituisaun, Prezidenti Repúblika sai hanesan simbolu ba unidade nasional tamba nia eleitu husi povu tomak, la’os husi partidu ou grupu balun deit.
Neduni Prezidenti Repúblika la autoriza grupu ou partidu politiku balun ne’ebe hakarak uja ou uja ona fotografia Xefi Estadu nian hodi hala’o sira nia politiku partidaria”.
Hodi nune’e, Prezidenti Repúblika husu hapara lalais kedas hahalok ida ne’e, no husu ba grupu ou partidu politiku sira hotu atu labele uja fotografia Xefi Estadu nian, no hasai hikas fotografia Prezidenti Repúblika nian, ne’ebe sira uja ona iha sira nia materiais kampaña nian.
Discussion about this post