Dili,19/02/2025, Conselho de Imprensa de Timor-Leste (CI),antes ne’e servisu hamutuk ho UNDP ho apoiu fundus husi Governu Japaun,realiza ona treinamentu Jornalizmu Ambiental ba jornalista Sira iha fulan Dezembru 2024,no iha inisiu 2025, CI no UNDP kontinua realiza treinamentu ba Media Debate iha kontestu Demokrasia ba jornalista sira husi media plataforma oinoin .
Tuir prezidente Conselho de Imprensa de Timor-Leste Otelio Ote hatete iha nia diskursus katak treinamentu Debate Midia iha kontestu Demokrasia ne’e importante tebes hodi dezenvolve kapasidade jornalista sira nian hodi modera Debate televizaun,radio nune’e bele hasa’e Sira Nia konesementu klean hodi domina asuntu ho hanoin ne’ebe kritiku liga ba tema ne’ebe determina ona.
“Ita nia objetivu husi treinamentu ne’e Mak atu hadi’ak jornalista Sira nia komprensaun kona-ba prinsipiu valor iha Demokrasia,hanesan liberdade iha hanoin,liberdade espresaun inklui ba iha boa governasaun atu halo dezenvolve jornalista Sira nia abilidade ko’alia iha publiku,hanoin kritiku no hato’o argumentu Sira ne’ebe lojiku”dehan prezidente Otelio Ote ba jornalista Sira iha Salaun Joao Paulo II Comoro Dili.
Iha Fatin hanesan sekretario Estadu komunikasaun Sosial, Expedito Loro Dias Ximenes hatete, iha treinamentu ne’e importante atu hasa’e jornalista Sira nia konesementu liu-liu Debate televizaun, radio halo Sira b rani hodi hahu ho diskusaun ne’ebe abertu ho topiku Sira ne’ebe bele lori Ema komprende liu tan hodi responde ba sosiedade sira nia preokupasaun.
“Tanba ne’e husi jornalista Sira nafatin iha vontade hodi aprende barak iha treinamentu ne’e atu nune’e bele sai jornalista ne’ebe ho abilidade oi-oin hodi lidera Debate ka talk show Sira,domina asuntu ka topiku ne’ebe determina ona ho hanoin ne’ebe kritiku hatene fahe oras ba narasumber sira ko’alia tuir tempu hanesan babain Ita akompana iha media RTTL no GMNTV Sira Debate halo simulasaun sai hanesan intervistador Ita liga mos ba dezgualidade hare ba iha Lider bankada sira tanba ne’e mak intervistador Sira tenki domina diakdiak material ka asuntu Sira “dehan prezidente Expedito Loro.
Tuir reprezentante Embaixada Japaun Minako Tateno hatete katak parte media Mak hanesan argumentu ka funadasaun Ida husi Jornalizmu tanba ema uja digital media atu fahe informasaun ba publiku ho klaru tanba ne’e presiza jornalista sira hatene uluk kona-ba maneira oinsa atu halo Debate ka Talk show ne’ebe mak domina iha material ka asuntu ne’ebe mak prepara ona.
“Aleinde ne’e Ita koko proteje Demokrasia iha Ita nia Rai tanba Ita jornalista Mak iha resposabilidade ba informasaun Sira atu fo sai ba publiku liu husi Debate sira.No ami nia prezensa iha Timor durante tinan 25 ona Ami nafatin fo apoiu ba dezenvolvementu Timor nian Laos deit husi fundus maibe husi Ami Nia servisu voluntariu Sira liu fo formasaun Sira”Dehan Minako Tateno.
Treinamentu Debate Midia iha kontestu Demokrasia ne’e ho inetensaun atu treina partisipante sira hodi uja Midia tradisional no Midia Plataforma digital nu’udar meiu Debate efetivu no responsavel no iha formasaun ne’e formando Sira aprende husi teoria no direta halo pratika Debate kada grupu durante iha formasaun ne’e Mak hanesan simulasaun Debate,workshop pratika,estudu kazu,mentorship no feedback hamutuk ho formador Firmansyah Syamsi Hamdani hanesan programa maneger interviews Indonesia.
Formasaun halo durante loron tolu no partisipa direta husi sekretario Estadu komunikasaun Sosial, prezidente Conselho de Imprensa, koordenador Rezidente ONU/ reprezentante UNDP, total partisipante 30.
Jornalista: Natalina de Araujo
Editor: Natalino Ximenes
Discussion about this post