Hasa’e Jornalista Sira nia Abilidade Hakerek Sensível ba Jéneru liuhusi Rekursu Manual no Livriñu Matadalan

Dili, 25/07/2024- Atu kombate violénsia bazeia ba jéneru liuhusi kanal média sira iha reportajen lorolorn ne’ebé inkluzivu no sensível ba jéneru, Fundasaun Media Development Center (FMDC, UN Women, no Sekretaria Estadu ba Igualidade, ohin entrega ona rekursu reportajen sensível ba jéneru inklui manual, livriñu husi matadalan, instrumentu monitorizasaun Reportajen sensível ba jéneru ba konsellu Imprensa Timor-Leste.

Tuir reprezentante UN Women Timor-Leste Amy Nishtha Satyam hatete iha UN Women nia komprimisu metin atu promove igualidade jéneru no empodera feto sira, tanba ne’e iha manual reprotajen Sensivel ba jéneru no livriñu husi matadalan oferese orientasaun prátika iha reprotajen kona-ba violénsia bazeia ba jéneru ho justu, imparsialidade no respeita integridade sobrevivente sira nian.

“Importansia atu aumenta lian sobrevivente sira nian, harahun silénsia ne’ebé halae’u violénsia bazeia ba jéneru, no promove kultura responsabilidade, no ha’u enkoraja organizsaun komunikasaun sosiál hotu atu uza livru ne’e ho intrega prinsípiu sira iha sira-nia prátika reportajen nian,” dehan Amy Nishtha iha nia diskursu iha salaun FMDC
Iha fatin hanesan Sekretaria Estadu Komunikasaun Sosiál Expedito Dias Ximenes hatete iha nia diskursu katak jornalismu iha papél fundamental hodi forma opiniaun públiku no habelar informasaun nu’udar komunikadór, jornalista sira iha kbiit no responsabilidade atu promove inkluzaun konsensia liu husi kobertura notisia ne’ebé refleta diversidade iha sosiedade.

Importante tebes mai ita adopta aproximasaun inkluzivul hodi fó lian ba naun vizibilidade ba perspetiva no esperensia oi-oin promove igualidade jéneru no fó espasu atu deskuti asuntu sira ne’ebé relasiona ho jéneru hodi garante katak asuntu sira hetan tratamentu ho maneira ne’ebé sensvel, respeita no hasa’e koñesimentu kona-ba asuntu jéneru, presiza esforsu koletivu, jornalista sira ko’alia kontribuisaun ba mudansa sosiál liu husi dezafiu esterotipu no rekonseitu sira ne’ebé eduka hodi tau importansia ba igualidade jéneru” dehan Expedito Dias.

Expedito Dias, SECOMS hato’o hela nia Diskursu iha serimonia distribui matadalan

Tuir Prezidente konsellu Imprensa Otelo Ote hatete konsellu Imprensa hanesan órgaun asesória Independente ida-ne’ebé promove Liberdade espresaun no independénsia média nian, agora sei uza rekursu hirak-ne’e hodi hametin ninia misaun atu hasa’e jornalista sira-nia abilidade profisionál.

“Iha serimónia entrega ne’e iha mós objetivu atu hasa’e koñesementu no utiliza rekursu hodi konsellu imprensa sei uza ho efetivu manual reportajen sensivél ba jéneru husi livriñu monitorizasaun no instrument avaliasaun,hodi hadia prátika sira iha reportajen media, atu hametin responsabilidade no padraun inklui aumenta inkluzaun no sensibilizasaun hodi promove ambiente komunikasaun sosiál ida ne’ebé inkluzivu no loloos liu,” dehan Otelio Ote.
Secretaria Estadu ba Igualdade Elvina Sousa Carvalho hatete katak inisiativa ne’e kontribui direita ba (PAN-VBJ) 2022-2023, liu-liu iha pilár prevensaun, sekretaria estadu rekoñese papél importante husi mídia sira forma atitude sosiál ba igualdade jéneru no hapara violénsia hasoru feto no labarik feto sira.

“Komunikasaun sosiál bele forma attitude, hahalok sosiál liuhusi reportajen ho loos, sensível kona-ba igualdade jéneru no violénsia hasoru feto sira, no jornalista bele dezafia norma ne’ebé ladi’ak, aumenta sobrevivente sira nia-lian no promove responsabilidade, respeitu” hatete Elvina.

Representante Un Women, Diretor FMDC, SEI, SECOMS no KI aprezenta matadalan reportajen sensível ba jéneru.
Iha projetu Hamutuk ba Igualidade, prevensaun no responde ba violénsia bazeia ba jéneru iha Timor-Leste implementa hamutuk husi ajénsia ONU haat (OIM, UNFPA, UN WOMEN), iha kolaborasaun ho sekretaria estadu igualidade, liuhusi fundu jenerozu husi Ajensia kooperasaun internasioál koreia (KOICA) iha Timor-Leste, no rezultadu husi projetu Together fo equality (T4E) mak treinamentu ba estudante jornalismu, jornalista hamutuk 135 no dezenvolve manual komprensivu ida, kriasaun monitorizasaun sensivél ba jéneru, organiza kompetisaun, esforsu halo advokasia no kolaborasaun nian lori ba komprimisiu konsellu imprensa no mídia sira atu promove.
Jornalista : Natalina Araújo
Editora : Eva Flor