Dili 03/06/24-Kultura partirkal halo mane no labarik mane sira ladun espresa sira nia sentimentu, nune’e Movimentu Feto Foinsa’e Timor-Leste (MOFFE-TL) organiza Workshop ba mane no labarik mane atu espresa idea no sentimentu liu husi Zine ne’ebe iha konbinasaun arte no hakerek.
Diretora interina Denise Teresa hateten, objetivu husi workshop ida ne’e foka liu ba mane no labarik mane sira atu espresa sentimentu no emosaun liu husi zine tanba kultura patriarkál halo mane ladun espresa sira nia sentimentu, liu husi workshop ne’e fo espasu ba mane sira hodi espresa sira nia kreatividade no opiniaun husi Zine.
Diretora interina MOFFE Denise Teresa
“Objetivu husi workshop ne’e primeiru mak atu enkoraja Mane no Labarik mane sira atu konta sira nia esperensia, halo kampaña no advokasia liu husi Zine, segundu mak promove no esplora oinsa zine bele sai hanesan instrumentu forte atu iha liberdade espresaun no hatan ba problema norma jéneru no asuntu sosiál ne’ebé relevante iha Timor-Leste no ikus husi zine bele promove arte no hakerek, promove fatin ne’ebé seguru no inkluzivu atu labarik mane sira bele fahe sira nia esperénsia no prespetiva” Diretora Interina MOFFE Informa.
Iha fatin hanesan Koordenador Youth Aliance For Change, Agripino de Oliveira hanesan mós partisipante iha workshop ne’e, espresa sentimentu orgullu tanba bele hatene oinsá halo zine no workshop ne’e importante tebes ba iha pesoál no organizasaun.
Partisipante Kordenador Youth Aliance For Change, Agripino de Oliveira
“ha’u orgullu ho workshop loron ohin nian tanba bele espresa liu husi zine no hatene lolos kona-ba zine, tuir ha’u workshop ne’e importante tebes ba pessoal no organizasaun atu espresa buat ruma husi zine, tanba dalabarak faze di’ak atu espresa liu husi Facebook, maibé liu husi zine ita bele espresa ita nia opiniaun liu husi arte no hakerek importate mós ba organizasaun atu bele hakerek advokasia kona-ba asuntu ka issu ruma husi zine atu fasilita ita nia komunidade sira” dehan nia.
Workshop ne’e hetan suporta husi TAF ne’ebe mak implementa husi MOFFE-TL, liu husi programa Tempu ba Mudansa durante loron rua hahu husi loron 3-4 juñu, totál partisipantes hamutuk 28, partisipate husi organizaun parseiru sira hanesan CBRNTL, Girls Aliance, FMDC, Sentru Haburas Diretus Humanus, Youth Aliance For Change, Youth Generation And Action, FUNDEF no representante joven suku Bairu-Pite.
Discussion about this post