Dili, 16/05/2024-Fundasaun CODIVA fasilita treinamentu durante loron tolu (3) ba komunidade LGBTQI sira kona-ba SOGIE-SC hodi hasa’e sira nia koñesimentu atu komprende hodi rekonese no simu sira nia an hanesan menbru LGBTIQ+, tuir vizaun no misaun CODIVA nian mak atu promove no komprende SOGIE ne’e rasik no oinsá sira bele identifika sira nia-an kona-ba sira nia orientasaun seksuál ne’e rasik.
Program officer CODIVA Julio do Carmo Cardoso Amaral hateten importante tebes atu komunidade sira hatene kona-ba SOGIESC tanba komunidade balun esklui sira nia-an no ke’e kle’an kona-ba moris komunidade LGBTIQI+ no lei sira nian.
“husi treinamentu ne’e sira bele hatene kona-ba sesaun saude reprodutiva no sesaun ruanulu resin no lei sira, tanba dalabarak sira senti sira nia moris la los entaun imoprtante tebes ba komunidade sira atu sira bele hatene kona-ba sira nia orientasaun seksuál dehan Program Oficcer
Partisipante Nelson de Jesus Membru KPE Pre-edukador nia esperansa ba oin husi treinamentu ne’e maka kontinua halo advokasia hodi tane malu, respeita liu husi esperensia ne’ebé iha.
“hafoin tuir treinamentu ne’e mak ha’u iha esperansa atu halo advokasia ba iha maluk komunidade LGBTQI ha’u nia familia no ba sosiedade no kolega sira oinsá atu tane malu no respeita malu no respeita ema seluk nia moris” tenika Nelson de Jesus.
Iha fatin ne’ebé hanesan partisipante Nani hanesan membru CODIVA hatutan katak formasaun ne’e di’ak tebes atu bele aplika fali ba iha komunidade no edukasan
“treinamentu ne’e importante tebes mai ha’u atu nune’e ha’u bele fahe fali ba ha’u nia familia no ba iha edukasaun oinsá mak atu simu komunidade LGBTQI no atu nune’e ne’e atu respeita ema hotu ho igual” tenik nia ba jornalista sira
Formasaun ne’e hetan suporta husi The Asian Fundation Programa Nabilan ne’ebé mak implementa husi Fundasaun CODIVA hala’o iha Dili ba partisipante iha targetu 20. Hafoin tuir formasaun ne’e komunidade LGBTQI senti orgullu tanba hetan esperénsia barak oinsá mak atu tane malu no respeita malu ho igual no identifika sira nia orientasaun seksuál liu husi treinamentu SOGIE-SC.
Jornalista : Julianti Saldanha
Editor : Natalino Ximenes
Discussion about this post