Dili,15/05/2024-Comunity Based Rehabilitation Network Timor-Leste (CBRN-TL) organiza formasaun kona-ba Analiza no monotoring ba OGE sensivél ba inkluzaun sosiál atu organizasaun sira kompriende kona-ba governu nia seriedade, alokasaun OGE ho sensivél.
Ojetivu husi formasaun ne’e mak atu hasa’e koñesimentu partisipantes sira nian liga ho Monitoriza no Analiza Orsamentu Geral Estadu sensivel ba Inkluzaun defisiénsia, Desenvolve instrumentu sira hodi fasilita monitorizasaun ba iha orsamentu jeral estadu no mos atu dezeñu estratejia advokasia ba alokasaun orsamentu jeral do estadu ba iha ema ho difisiénsisa iha Timor-Leste.
Jerente programa Carmelita de Araúju hateten formasan ida ne’e liu husi CBRN-TL nia programa Tempu ba Mudansa ne’ebe foka ba haforsa koligasaun feto ho defisiénsia hodi advoka ba Prevensaun Violensia bajeia ba Jéneru no promove Liberdade expresaun iha inisitiva atu monitoriza no analiza orsamentu jeral estadu ne’ebe sensivel ba inkluzaun social iha Timor Leste.
Jerente ba ProgramaCarmelita de Araúju
“Formasaun ne’e importante tebes ba organizasaun parseiru sira atu iha kunesimentu diak hodi monitorizasaun no analiza orsamentu jeral do estadu sensivel ba inkluzaun social iha planu no programa lina ministerial sira nian kada tinan ne’ebe responde ba bem estar ema hotu nian liu liu garante asesu ema ho defisiénsia ba servisu essensial sira,” hateten Carmelita.
Nia mós hatutan tan katak observasaun CBRN-TL sei menus ba iha orsamentu jeral do estadu no menus ba planu asaun ba ema ho defisiénsia.
“Husi observasaun CBRN-TL nia haree katak ema ho defisiensia barak mak sei menus koñesimentu atu hatene orsamentu jeral estadu benifisiariu ba ema ho defisiénsia sira, Aliende ne’e menus mós koñesimentu planu asaun anual ema ho defisiénsia ne’ebé mak define ona programa ka prioridade sira ne’ebé mak bele fo benefísiu ba ema ho defisiénsia.” Jerente programa ne’e hatutan.
Fatin hanesan Tersio de Sena Lopes hanesan partisipante husi organizasaun MOFEE hateten sira aprende barak kona-ba Alokasaun ba iha orsamentu jeral do estadu sensivél ba iha jéneru no grupu vulneravél sira ho justisa no igual no sei implemeta iha organizasaun.
“treinamentu ne’e ami aprende kona-ba orsamentu jeral do estudu ne’ebé mak aloka ba iha asuntu jéneru ho sensivél entaun ida ne’e importante tebes ba sosiedade sivíl sira atu haree liu-liu organizasaun ne’ebé mak luta ba iha asuntu sosial atu hetan justisa ne’ebé mak igual, asuntu ne’e importante atu ita hantene kle’an kona-ba asuntus sira ne’e no depois de tuir formasaun ne’e hau sei implementa iha ami nia Organizasaun atu hatene kle’an kona-ba OGE ne’e ho sensivel” Tenik nia iha Salaun Yayasan HAK.
Partisipante sira rona hela esplikasaun husi Fasilitador
“Ita bele analiza bainhira ita halo servisu ruma tenke gastu based no wainhira ita hetan nia modul kompletu kontrola ona lalaok estadu nian, por Ezemplu lalaok ministerio solodaridade Sosial no ministeriu inkluzaun ba feto no labarik feto, ema ho difisiensia no advokasia ba komunidade marjinial sira bele hatene katak alokasaun orsamentu ne’e kona duni, atu bele kontrola no organizasaun sira mós tenke servisu hamutuk ho KAK atu hare ba organizasaun sira ne’ebe sei sadera hela ba doador sira atu nune’e ninia meta sira bele to iha ninia benifisiariu sira” dehan Ismael.
Formasaun ne’e hala’o iha salaun Yayasan Hak Farol ne’ebé mak fasilita husi CBRN-TL durante loron 2 no sei kontinua loron 2 tan ba partisipante nain 30, husi organizasaun parseiru sira atu lori organizasaun sira ne’ebé halo advokasia hanesan FMDC, MOFEE, no CODIVA atu komprende kona-ba alokasaun OGE Governu nian ne’ebé preve ba iha inkluzaun sosiál, atu organizasaun sira implemeta iha sira nia servisu advokasia ba iha Ema ho difisiénsia feto no labarik feto no Komunidade LGBTQI+ sira.
Discussion about this post