Dili:19/03/24-Atu halo advokasia di’ak liuhusui media, Casa Produção Audivisual realiza treinamentu ba parseiru implementador sira hodi halo publikasaun no kria post ne’ebé di’ak liuhusi publikasaun iha media social.
Fasilitadora husi CPA Dorcy Roslya Daos informa treinamentu ida ne’e oferese ba grupu advokasia sira, kona ba estratejia no konteudu media social, hodi ganha audiénsia online sira nia atensaun ba koteúdu sira ne’ebé kada organizasaun halo, sira mós aprende dezenvolve Brand Guidelines oinsa bele konsistensia no reprezentasaun organizasaun nia identidade iha postagen.
Fasilitadora no Jerente Komunikasaun CPA, Dorcy Roslya
“Iha metas ne’ebé atu atinji mak partisipante sira kada organizasau bele hetan ideia foun no pontus importante sira iha dinamiku media social, bele estratejia sira nia konteúdu atu atinji objetivu hodi ganha atensaun, atu nune tarjeitu sira bele asesu ba informasaun ne’ebé sira publika tuir konteudu rasik, no mós kor sira iha logo transforma husi vizasaun, misaun no valor sira ne’ebé uniku husi organizasaun” Fasilitadora Dorcy hateten iha salaun training CPA, Taibessi.
Iha fatin hanesan partisipante Adolfina Ximenes husi CODIVA hateten treinamentu ida ne’e atu haforsa tan ninia servisu nebe durante ne’e halo hela iha organizasaun liuhusi aplikativu ne’ebe uza hodi edit video hodi publika informasaun ba advokasia.
“Aplikasaun ne’ebé ita hetan iha treinamentu sira ne’e balun ha’u uza ona hodi halo servisu iha organizasaun, materia ne’ebé foun mak Brand guidelines ida ne’e importante atu organizasaun uza hodi hodi mantein ninia identidade” Adolfina hateten.
Franzela ho nia Jerente Komunikasaun CBRNTL.
Franzela Pinto partisipante husi CBRNTL informa, importante los aprende kona ba komunikasaun oinsa bele jere media ho di’ak hodi dezenvolve liutan organizasaun nia kna’ar loroloron.
“Materia ne’ebé hetan mak valoriza ita organizasaun nia identidade liuhusi publikasaun ne’ebé ita dezenhu, no konteudu ne’ebé produz hodi publika iha media, presiza iha estratejia hodi atrai audiénsia sira ba postagen organizasaun nian relasiona ho servisu sira” Franzelina informa ba Jornalista FMDC.
Iha treinamentu ne’e halao durante loron 3 husi loron 18-20 Marsu no partisipante hamutu 20 Kompostu husi organizasaun 4, hanesan MOFFE, FMDC, CBRNTL, no CODIVA ne’ebé suporta husi TAF iha Projetu Tempu ba Mudansa.
Discussion about this post