Dili- 13/03/2024, Espasu seguru mak metodu ida husi Movimentu Feto Foinsae TL (MOFFE) ne’ebé foti husi Modulu Programa Bin Alin Hakbit Malu (BAHM) The Asia Foundatin (TAF), hodi realiza formasaun ba joventude feto, ativista direitus humannus komunidade LGBTIQ+ no ema ho difisiénsia, ho objetivu oinsa atu dezenvolve sira nia kapasidade hanesan ativista no Defensor direitus humanus haree liu ba iha asuntu igualidade, inkluzivu no liberdade espresaun.
Iha formasaun ne’e nia objetivu mak atu hasae joven ka grupu sira nia konesemnetu iha asuntu sira importante ne’e hodi sira bele kontisnua halo advokasia iha sira nia grupu ka sosiedade.
Tuir faselitadora Denise Tereza hateten hanesan faselitadora senti orgullu tebes tamba esperensia ne’ebe nia hetan husi TOT durante semana ida nia aprende materia barak no agora nia kontinua sai faselitadora no kria espasu seguru ba joven feto sira, ema ho defisensia, komunidade LGBTIQ ho asuntu igualidade, inkluzivu no liberdade espresaun.
Fasilitadora Denise esplikasaun hela ba partisipante sira kona ba kria espasu seguru
“Husi formasaun ne’ebe MOFFE realiza bele loke joven sira hanoin hodi bele kontinua fahe iha sira nia grupu ka ONG inklui partisipante sira mos bele fahe to’o iha komunidade ne’ebe sira hela ba no mos familia, tamba asuntu Igualidade no inkluzivu ne’e laos asuntu ida ne’ebe mak tabu ka ita rai deit maibe asuntu ne’e importante ba ema hotu atu hatene”, dehan Denise ba jornalista iha salaun FMDC.
Iha fatin hanesan partisipante Fandi Sirai hatete nia espetativa ba formasaun ne’e sente kontente tamba nia aprende mos lisaun foun husi formasaun ne’e nia mos espera katak sei fahe tutan esperensia ne’ebe nia hetan ba maluk komunidade LBTIQ+ no mos ba familia inklui komunidade ne’ebe nia hela ba.
“Agradese tebes ba MOFFE tamba iha formasaun ne’e envolve mos ami membru husi CODIVA, ema ho difisiénsia no grupo joven feto sira iha Dili, hau espera iha formasaun ba loron tolu (3), ne’e sei aprende barak liu kona ba asuntu importante sira liga ba igualidade no Inkluzaun,” dehan Fandi.
Hatutan husi partisipante Deomentina Monteiro, katak nia espetasaun tuir formasaun ne’e mak husi diskusaun hamutuk ho joven sira seluk bele aumenta sira nia kapasidade hodi bele fahe ba sira nia grupu, kolega no familia inklui komunidade sira hodi bele hatene kona ba normsa sosiais liga ho asuntu Igualidade no inkluzivu nian.
Partisipante sira halo aprezentasaun grupo
“Iha fornasaun ne’e hau mos aprende oinsa mak kria espasu seguru hodi fo oportunidade ba ema ne’ebe mak igual atu bele espresa saida mak nia senti no labele julga ema seluk, no hau mos aprende oinsa mak hatudu ita nia komitmentu ba iha sosiedade hodi bele luta hamutuk atu harahun normas sosiais sira ne’ebe mak dadaun ne’e komunidade sira sei nafatin fiar” dehan Deomentina.
Movimentu Feto Foinsae Timor-Leste (MOFFE), halao formasaun ba dalahuluk iha salaun Fundasaun Media Development Center (FMDC), durante loron tolu (3) hahu ohin, no partisipante husi, Organizasaun ema ho defisiénsia CBRN-TL, AEFD, CODIVA, Grupu Aliansa Juventude ba Mudansa, Ativista Direitus Humanus no organizasaun Youth Alliance For Change, total partisipante 25.
Discussion about this post