Dili,24/10/2023, Fundasaun Caucus no Plan Internasional Timor- Leste esforsu hamutuk hodi empodera feto , joven no ema ho difisiensia iha Eleisaun suku hodi realiza Kolokiu Nasional ne’e hetan partisipa husi ema 100 inklui feto no mane, ema ho difisensia, organizasaun sosiedade sivil, xefi suku feto, kandidata xefi suku feto, grupo joventude organizasaun feto ho apoiu fundus husi Uniaun Europeia .
Eleisaun suku halao kada tinan 7, istorikamente haree katak iha limitasaun reprejentasaun feto iha eleisaun suku anterior 20216, iha de’it 21 ka 5% feto eleitu hanesan xefi suku ba periodu 2016-2023, maske lei fornese feto hodi kompete iha eleisaun suku, presiza mós empodera no promove perfil husi feto sira iha eleisaun suku ne’ebé sei realiza iha 28 outubro 2023.
Tuir diretora fundasaun Caucus Teresinha Maria Noronha Cardoso, enfatiza partisipasaun feto iha politika no lideransa lokal iha eleisaun suku, importante atu asegura katak partisipasaun feto sai hanesan elementu ne’ebé fortelese demokrasia no promove dezenvolvementu komunidade ho perspektiva igualitária, no kontribuisaun feto sei asegura desizaun sira ne’ebé afeta komunidade inkluui perspektiva jéneru no promove justisa sosiál.
“Liu husi tema Promove partisipasaun no Empodera ba feto, joven no ema ho defisiensia iha eleisaun tinan ida ne’e ,kolókiu Nasionál ne’e ho objetivu atu haforsa feto, joven no ema ho defisiensiaatu partisipa ativa no compete iha eleisaun ,no espesefikamente hodi promove perfil kandidata feto sira iha eleisaun suku”. Diretora ne’e informa ba jornalista sira iha salaun Delta Nova ,24-10-2023.
Iha fatin ne’ebé hanesan direitora interina Plan Internasional Timor-Leste , Fátima Estrela Soares hatete katak Liu husi eleisaun demokratiku iha suku sei hasai númeru kandidatu feto, joven no ema ho defisiensia ,nune’e eventu ne’eho foku dahuluk maka atu Eleva númeru feto sai xefi suku ba periodu 2023 -2030 .
“Ami fiar katak feto no foin-sa’e feto sei ativu hodi lori mudansa no suporta empodera adolesente no , joven sira partikularmente labarik feto hodi foti asaun koletivu ba mudansa Sistema no politika ne’ebé kontribui ba realizasaun dereitu humanu no igualidade jéneru” dehan Fátima.
Tuir Embaixador Uniaun Europeia iha Timor-Leste March Friedrich hatete eventu ne’e parte ida husi Uniaun Europeia nia komprimisiu jeral ba demokrasia iha Timor-Leste no bazeia ba missaun observasaun Eleitoral, feto, joven no ema ho defisensia sira iha kualidade lideransa hodi kontribui ba dezenvolvementu Aldeia, suku, no nasaun .
“Ha’u deseju ba imi hotu boa -sorte iha eleisaun sira tuir mai ne’e,liu husi partisipa hanesan eleitór ka hanesan kandidatu imi lori ona nasaun ne’e ba oin” dehan March
Iha kolókiu Nasional ne’e hetan partisipa husi Sekretária estadu ba Igualidade jéneru , STAE,Uniaun Europeia,xefi suku ,xefi Aldeia sira no organizasaun sosiedade sivil, organizsaun ema ho Defisensia, organizasaun feto, grupo juventude, Akadémiku. No iha kolókiu Nasional ne’e lidera husi Fundasaun Caucus no plan Intrenasional no apoiu fundus husi Uniaun Eropeira total fundus $ dolar Amerika rihun atus neen (600,000)
Jornalista: Natalia Araujo
Discussion about this post