Oecusse-Zulmira Taule, ho naran istimada Mira, membru ida husi organizasaun Fatin Hakmatek Oe-cusse, ne’ebé serbisu besik tinan 20 iha jestaun finanseira no advokasia ba prevensaun violénsia hasoru feto no labarik iha Fatin Hakmatek.
Serbisu hahu iha tinan 2005 iha organizasaun ne’ebé kontribui ba igualdade jéneru no promosaun saúde mental, deafia Mira kontinua apriende atu aumenta koñesimentu kona-ba violénsia hasoru feto no labarik. Mira iha esperansa katak sira nia kontribuisaun iha organizasaun bele hetan impaktu positivu ba sira nia família no komunidade tomak.
“Motivasaun ba servisu ida ne’e halo hau hakarak dezenvolve liu tan hau nia abilidade no hau sente kontenti servisu iha organizasaun Fatin Hakmatek Rejiaun Oe-Cusse, tanba bele fó suporta ba feto sobrevivente sira ne’ebé hasoru violénsia no ajuda sira atu hetan tratamentu ida ne’ebé dignu,” hateten Mira.
Ho personalidade ne’ebé badinas no iha komitmentu ba apriende, Mira mós suporta ekipa Fatin Hakmatek, hala’o sosializasaun iha komunidade kona-ba prevensaun violensia hasoru feto no labarik feto.
Enkontru hoEkipa iha Uma Fatin hakmatek
Domingas da Cunha, Diretora interina iha Organizasaun Fatin Hakmatek RAEOA, mós apresia karaterístika admirável sira husi Mira, transparénsia iha jestaun finanseira organizasaun nian, no dedikasaun ba sira nia kna’ar.
“Durante ha’u serbisu hamutuk ho Mira, haree nia iha kueñesimentu di’ak, badinas, transparansia, responsabilidade no sempre apoiu servisu programa sira hotu di’ak”. Dehan Domingas da Cunha.
Dezafiu ne’ebé nia hasoru mak serbisu ho staff ne’ebe la kumpri oras serbisu maibé nia sempre uza maneira atu sira nafatin iha reposabilidade ba serbisu liuhusi kria enkontru hodi halo avaliasaun.
Zulmira ho ekipa Fatin Hakmatek realiza sosializasaun ba VHFLF
“Hasoru staf mai office tarde kada loron no balun relata relatoriu tarde maibé ami sempre organiza enkontru halo avaliasaun ba ami nia an no ami nia serbisu”. Dehan Mira
Inan ba oan nain rua ne’e hateten durante serbisu iha Fatin Hakmatek lori mós benefisiu ba nia an no nia família konaba pratikasaun komunikasaun saudável no seguru. Durante forma uma kain to’o tinan barak nia kaben suporta tebes nia no sira familia livre husi violénsia pratika kria komunikasaun seguru no saudável iha família.
“Hau Senti kontenti no armonia, Sim wainhira hau forma ona uma kain hamutuk ho kaben no alin sira moris seguru no ekonomia sufsiente hela bele responde nesesidade lor-loron”
Feto ho idade 45 ne’e mós sempre Quality time hamutuk ho nia oan sira no nia kaben iha fim de semana tuir nia maske serbisu barak maibé importante passa tempu hamutuk ho família atu hametin ita nia relasaun harmonia iha familía.
Reportajen : Paulo Quelo (Partisipante iha treinamentu GSR husi CSO)
Discussion about this post