Dili, 11 April 2023-Fundasaun Pátria ho Plan Internasional kontinua hakbi’it média rádiu komunidade sira liu husi formasaun kona ba oinsá atu fó sai informasaun ho indenpendente, igualidade no inkluzaun iha periódu kampaña no elisaun parlamentar.
Boar Fundasaun Pátria, Filomena dos Reis dehan, formasaun ne’e foka liu ba eleisaun parlamentar 2023, oinsá média nia papél importante iha tenpu kampaña no elisaun parlamentar iha país demokrátiku ne’e.
Boar Fundasaun Pátria, Filomena Dos Reis
“Objetivu husi formasaun ne’e oinsá atu hakbi’it rádiu komunidade sira atu sensivél no independenti hodi fó sai informasaun ne’ebé loos ba públiku durante tenpu kanpaña elitoral ne’ebé hala’o iha Timor Leste“, Filomena dos reis informa ba jornalista sira iha Asosiasaun HAK Fárol ohin, 11/04/2023.
Nia haktuir razaun seluk, Fundasaun Pátria halo kooperasaun ho média rádiu komunidade sira atu informasaun ne’ebé fó sai bele ajuda votante sira foti dezisaun ho responsavél, bazeia ba lei orgaun eleitoral hanesan Comisão nasiónal das Eleições (CNE) no Sekretáriado Técnico Administrasaun Eleitóral (STAE).
“Fundasun Pátria nia kna’ar ida mak idéntifka no mobiliza formasun ba rádiu komunidade sira iha periódu kampaña eleitoral, oinsá atu hakbi’it média rádiu hodi bele públika notísia ne’ebe iha sensíbilidade jéneru no inkluzaun sosiál“, nia akresénta.
Sorin seluk reprezentante Plan Internasional Adriana Garcia Bere silva hatete, Fundasaun Pátria ho Plan Internasional sei servisu hamutuk durante tinan rua fóku liu ba elisaun demokrátiku iha Timor-Leste.
No nia dehan importante tebes média radiu komu idade sira atu transmite informasaun ne’ebé kredivél no fóka ba igualidade jéneru.
“Ita hotu hatene katak feto maluk sira partikularmente fora husi munisípiu Dili, sira asesu informasaun liu husi rádiu, tanba ne’e ita hanoin importante tebes informasaun ne’ebé fó sai husi rádiu tenki balansu jéneru no inkluzivu hodi ajuda sira komprende no iha koñesimentu kona ba igualidade jéneru no inkluzaun sosiál”“, dehan Adriana.
Entretantu Formasaun refere Fundasaun Pátria servisu hamutuk ho Asosiasaun Jornalista Timor-Leste (AJTL) Prezidente Zevonia Viera, hodi fasilita formasun ba rádiu komunidade sira, atu produs nótisia ne’ebé kredivél ho igauliade jéneru no inkluzaun sosiál no mós direitu ba Ema ho Defisiénte sira, formasaun ne’e sei hala’o ba rádiu komunidade iha Dili no mós ba rádiu komunidade iha munisípiu sira.
Reportajen : Laura dos Reis
Editor : Jonas
Discussion about this post