DILI,25/02/2023-Partidu Libertasaun Popular (PLP) Realiza Konferensia Nasional ba Dala II hodi prepara ba hasoru elisaun parlamentar ne’ebé sei akontese iha 21 fulan maiu tinan ne’e.
Konferensia Nasional ba daruak ne’e ho Tema “Hamutuk ita Refleta Pasadu, Afirma ita nia konsolidasaun no servisu makas ba povu nia moris di’ak” atu hametin militante no sinpatizante partidu PLP nian iha nivel nasional no munispiu oinsa servisu hamutuk lori povu ba moris di’ak.
Prezidente Partidu Libertasaun Popular, General Taur Matak Ruak iha nia diskursu hatete, Lori Estrutura Partidu nian hato’o Saudasaun ba partisipante no Kofrensista hotu no husu atu servisu makas hodi aumenta numeru Partisipante nian ba tinan ne’e atu hetan maioria asentu parlamentar hodi realiza programa no planu partidu nian.
“Konferensia ida ne’e ha’u hakarak lori ita membru Partidu nia naran tantu lideransa Nasional no Munispiu sira no konfrensista sira fó saudasoens ba Bainaka sira ne’ebé mak fó esperansa nafatin partidu PLP tanba ida ne’e hanesan responsabilidade bo’ot katak Plataforma ida ne’e la to iha ne’e de’it maibe sei kontinua ba oin”, Nia hato’o liu diskursu iha konferensia ne’ebé hala’o iha Salaun RUDAL 7984 Surikmas Dili Ohin.
Fatin hanesan Sekretáriu Geral Partidu FRETILIN, Mari Alkateri reprezenta Lideransa FRETILIN hotu husu atu konferensia ida ne’e lori susesu bo’ot ba povu no Nasaun no nia promete FRETILIN sei hamutuk ho PLP tanba Partidu rua inklui Partidu KHUNTO iha Plataforma ida hodi lori povu ba moris di’ak liu husi benifisia Uma Naroman ba Povu (UNP) no Sesta Bázika, tanba tuir nia hare’e UNP foin mak atinji milaun 9 liu, nune’e nia hakarak kontinua atu lori povu ba moris iha naroman.
“Hotu hotu hatene katak PLP, FRETILIN no KHUNTO forma tiha Plataforma intendimentu ida,Plataforma ida ne’e mak ukun iha tenpu ikus to’o agora, no balun dehan Governu ida agora la halo buat ida, maibé kuandu sira hare uma naroman ba povu mosu sira hakfodak no Sesta Bázika mosu sira hakfodak seluk tan susesu governu ne’e halo. Nune’e Plataforma ne’e sei kontinua”, Dehan nia iha nia Diskursu.
Biban hanesan reprezentante Partidu Democártico Adriano do Nasimento lori PD nia naran pronto hato’o idea kona ba oinsa desenvolve Nasaun ida ne’e no protu atu ko’alia ho lideransa partidu sira hotu atu iha elisaun ida ne’e hodi hare programa no planu importante ba nasaun ida ne’e, hanesan aspirasaun povu hodi diknifika no lori povu no nasaun ida ne’e ba oin.
Nune’e mós observador PARPOL sira, Prezidente Comisão Nasional das Elições (CNE) José Agustino Belo hateten, ohin Partipisipa iha Konfrensia Partidu PLP nian tanba hetan Konvite nune’e hanesan orgaun Independente ida no nia parseiru mak partidu sira la hare ba parte bo’ot no ki’ik,tanba ne’e sira nia prezensa atu asegura Elisaun ida ne’ebé di’ak no transparante.
No nia informa partidu Polítika tuir lei partidu politiku kongresu ou reuniaun alargada sai instrumentu ida importante oinsa atu bele aprezenta lista kandidatura iha Tribual Rekursu
Konferensia Partidu Libertasun Popular iha Nivel Nasional ba Dala rua, Partipasaun masimu kogresista husi PLP nian iha nivel Musípiu 13 inklui RAEOA, partisipa mós husi Partidu Polítika balun inklui menbru Governu Akademiku Reitor Universidade sira.
Reportajen : Arlindo R. Nunes
Editor : Natalino Ximenes
Discussion about this post